جھل مگسی میں آتشزدگی کے نتیجے میں گھر مکمل طور پر جل کر

جھل مگسی،03اپریل (پی پی آئی) گوٹھ نیک محمد لاشاری، موضع پتری میں ایک غریب خاندان کے گھر میں آتشزدگی کا واقعہ پیش آیا، جس کے نتیجے میں گھر مکمل طور پر جل کر راکھ ہوگیا۔ ڈپٹی کمشنر جھل مگسی سید رحمت اللہ شاہ نے فوری طور پر واقعے کا نوٹس لیتے ہوئے متاثرہ خاندان کی امداد کا حکم دیا ہے۔ضلعی انتظامیہ کی ہدایت پر لیویز فورس نے متاثرہ خاندان کو فوری امداد فراہم کی۔ خاندان کو خیمہ، راشن، کمبل، کولر اور دیگر ضروری اشیامہیا کی گئیں۔ متاثرہ خاندان نے بروقت امداد پر ڈپٹی کمشنر کا شکریہ ادا کیا اور اپیل کی کہ ان کی گھر کی تعمیر میں بھی تعاون فراہم کیا جائے۔ضلعی انتظامیہ نے متاثرین کی بحالی کے لیے مزید اقدامات کرنے کی یقین دہانی کرائی ہے۔ متاثرہ خاندان کی فوری امداد کے بعد مزید اقدامات جاری رکھنے کا عزم ظاہر کیا گیا ہے۔