کوئٹہ میں جوائنٹ روڈ تیز رفتار گاڑی کی ٹکر سے 30 سالہ خاتون جاں بحق

کوئٹہ،05اپریل (پی پی آئی) کوئٹہ کے علاقے ریلوے گرلز ہائی اسکول جوائنٹ روڈ کے قریب تیز رفتار گاڑی کی زد میں آکر 30 سالہ خاتون جاں بحق ہوگئی۔ حادثے کے بعد ڈرائیور موقع سے فرار ہوگیا۔تفصیلات کے مطابق حادثہ اس وقت پیش آیا جب ثانیہ اپنے والد کے ساتھ پیدل جا رہی تھی۔ تیز رفتار گاڑی نے خاتون کو ٹکر مار دی جس کے نتیجے میں وہ شدید زخمی ہوگئی۔زخمی حالت میں ثانیہ کو سنڈیمن پراونشل ہسپتال کوئٹہ لے جایا گیا، جہاں ڈاکٹروں نے اسے مردہ قرار دیا۔ ثانیہ اپنے بھائیوں میں اکلوتی بہن تھی۔حادثے کے بعد ڈرائیور فرار ہونے میں کامیاب ہوگیا۔ پولیس نے سی سی ٹی وی کیمروں کی مدد سے گاڑی کی تلاش شروع کر دی ہے۔ متعلقہ حکام کی جانب سے مزید تفتیش جاری ہے۔