کشمیری نثراد برطانوی خاتون سے مبینہ ہراسگی کرنے والے محکمہ پولیس آزاد کے آفیسر کو نوکری سے برخاست

 میرپور، 15 اپریل(پی پی آئی) آزاد کشمیر حکومت نے کشمیری نثراد برطانوی خاتون سے مبینہ ہراسگی کرنے والے محکمہ پولیس آزاد کے آفیسر کو نوکری سے برخاست کر دیا۔پریس انفارمیشن ڈیپارٹمنٹ – آزاد جموں و کشمیر کے بیان کے مطابق۔ تھانہ تھوتھال میرپور کے ایس ایچ او عمران گجر کے خلاف برطانیہ سے آئی خاتون نے درخواست دی تھی کہ اس کے گھر پر ناجائز قبضہ کے خلاف جب وہ پولیس کو شکائیت کرنے گئی تو مزکورہ ایس ایچ او نے نشہ میں دھت ہو کر اس کو جسمانی ہراسگی کا شکار کیا۔ خاتون کے حق میں مظاہرے ہوئے اور پاکستان میں موجود برطانوی سفارت خانے کے اور برطانوی حکومت نے بھی مداخلت کی جس پر پہلے ایس ایچ او کو پلندری سے گرفتار کیا گیا۔ اب با ضابطہ نوٹیفکیشن کر کے محکمہ پولیس آزاد کشمیر نے عمران گجر کو ملازمت سے برخاست کر دیا ہے جبکہ خاتون کے گھر پر قبضہ کرنے والے گروہ سے گھر واگزار کروا کر اس کے حوالے کر دیا گیا ہے۔