بلوچستان یونیورسٹی میں ڈیپارٹمنٹل انفارمیشن مینجمنٹ سسٹم کی تربیت کا آغاز

کوئٹہ،21اپریل (پی پی آئی)بلوچستان یونیورسٹی کے ایک بیان کے مطابق یونیورسٹی آف بلوچستان میں فیکلٹی ٹریننگ اینڈ ڈیولپمنٹ سینٹر اور ڈی آئی ٹی ڈیپارٹمنٹ نے ایک جامع تربیتی سلسلہ شروع کیا ہے۔ اس کا مقصد فیکلٹی ممبران، شعبہ جات کے سربراہان، کوآرڈینیٹرز اور متعلقہ انتظامی عملے کو ڈیپارٹمنٹل انفارمیشن مینجمنٹ سسٹم (ڈی آئی ایم ایس) کے موثر استعمال میں مہارت فراہم کرنا ہے۔یونیورسٹی میں منعقد ہونے والے ان تربیتی سیشنز کی سربراہی ڈائریکٹر ڈی آئی ٹی، جناب محمد سلال خان کر رہے ہیں۔ ان سیشنز میں ڈی آئی ایم ایس کے تعلیمی اور انتظامی عمل میں استعمال کے بارے میں تفصیلی معلومات فراہم کی جا رہی ہیں۔ یہ ویب بیسڈ سسٹم یونیورسٹی میں سمسٹر سسٹم کے تمام مراحل کو خودکار بنانے کے لیے تیار کیا گیا ہے۔چیئرپرسن ایف ٹی ڈی سی، ڈاکٹر شاہدہ حبیب علیزئی نے تمام شرکاء   کو خوش آمدید کہا اور یونیورسٹی میں ڈیجیٹل ٹیکنالوجی کے انضمام کی اہمیت پر زور دیا۔ انہوں نے شعبہ جات کے سربراہان، کوا?رڈینیٹرز اور کمپیوٹر سے واقف انتظامی عملے کی شرکت پر زور دیا تاکہ وہ اپنے شعبہ جات کے باقی عملے کو بھی تربیت دے سکیں۔جناب محمد سلال خان نے فیکلٹی آف فزیکل اینڈ انوائرنمنٹل سائنسز کے فیکلٹی ممبران کو ڈی آئی ایم ایس پر ایک تفصیلی پریزنٹیشن دی۔ اس پریزنٹیشن میں طلبائکے آن لائن نتائج، ڈیٹا انٹری، نمبرز اور ناموں کی فہرستوں کے انتظام میں اس کے استعمال کو اجاگر کیا گیا۔تمام شعبہ جات کے تربیتی سیشنز کا شیڈول درج ذیل ہے: 22 اپریل کو فیکلٹی آف بایولوجیکل، فارماسیوٹیکل اینڈ ہیلتھ سائنسز، 23 اپریل کو فیکلٹی آف مینجمنٹ اینڈ انفارمیشن سائنسز، 24 اپریل کو فیکلٹی آف آرٹس اینڈ ہیومینٹیز، 25 اپریل کو فیکلٹی آف لٹریچر اینڈ لینگویجز، اور 28 اپریل کو فیکلٹی آف سوشل سائنسز۔ تمام سیشنز صبح 11:00 بجے سے دوپہر 12:30 بجے تک ڈی آئی ٹی اسمارٹ کلاس روم، مین لائبریری کے بیسمنٹ میں منعقد ہوں گے۔