اوکاڑہ مہندی تقریب میں فائرنگ سے نوجوان ہلاک،ملزم گرفتار

اوکاڑہ،29اپریل (پی پی آئی)اوکاڑہ کے علاقے گاؤں 5 ون اے ایل میں مہندی کی تقریب کے دوران پیش آنے والے فائرنگ کے واقعے میں پولیس نے ملزم ساجد کو گرفتار کر لیا ہے۔ ڈی پی او  راشد ہدایت نے واقعے کا سخت نوٹس لیتے ہوئے کہا ہے کہ قانونی کارروائی کا آغاز کر دیا گیا ہے۔فائرنگ کے نتیجے میں نوجوان معاذ جان کی بازی ہار گیا۔ پولیس نے مزید کارروائی کرتے ہوئے دولہا اور اس کے والد کو بھی حراست میں لے لیا ہے۔ڈی پی او راشد ہدایت نے واضح کیا ہے کہ شادی بیاہ کی تقریبات میں فائرنگ کی کسی صورت اجازت نہیں دی جائے گی۔ پولیس فائرنگ اور اسلحہ کی نمائش پر زیرو ٹالرنس کی پالیسی پر عمل کر رہی ہے۔