مجوزہ عدالتی انفراسٹرکچر اصلاحات پر ابتدائی اجلاس 6 مئی کو ہوگا

کراچی، 29 اپریل (پی پی آئی) اسسٹنٹ ایڈووکیٹ جنرل نے منگل کے روز ایک آئینی بینچ کو آگاہ کیا کہ مجوزہ عدالتی انفراسٹرکچر اصلاحات پر ابتدائی اجلاس 6 مئی 2025 کو ایڈووکیٹ جنرل سندھ کی زیر صدارت منعقد ہوگا۔جسٹس آغا فیصل اور جسٹس مبین  پر مشتمل آئینی بینچ نے آئینی درخواست نمبر 400/2005 کی سماعت کی، جو ایڈووکیٹ ضیاء  احمد اعوان نے دائر کی تھی۔اسسٹنٹ ایڈووکیٹ جنرل نے وضاحت کی کہ پہلے اجلاس کا مقصد ایسا قلیل مدتی روڈ میپ مرتب کرنا ہے جس پر فوری طور پر اور موجودہ مالی سال کے اندر عمل درآمد کیا جا سکے۔ اس کے علاوہ آئندہ کے طویل مدتی منصوبے پر بھی غور کیا جائے گا۔ تمام فوکل پرسنز کو ہدایت دی گئی ہے کہ وہ اپنی تجاویز اجلاس سے قبل ایک دوسرے کے ساتھ شیئر کریں تاکہ اجلاس میں بامقصد پیش رفت ممکن ہو۔