مساجد اور معصوم شہریوں پر حملے، مودی کی درندہ سوچ کے عکاس ہیں:۔ نثار کھوڑو

کراچی،7مئی (پی پی آئی) پیپلز پارٹی سندھ نے بھارتی جارحیت کے خلاف سندھ بھر کے ضلعی ہیڈ کوارٹرز میں احتجاج کرنے کا اعلان کیا ہے۔ نثار کھوڑو، صدر پیپلز پارٹی سندھ، نے کہا کہ مساجد اور معصوم شہریوں پر حملے کروا کر مودی نے اپنی درندہ سوچ کو ظاہر کر دیا ہے، جو اب بھی گجرات کے قصاب والی سوچ پر عمل پیرا ہیں۔انہوں نے مزید کہا کہ پیپلز پارٹی کی ضلعی تنظیمیں مودی سرکار کی بھارتی جارحیت کے خلاف بھرپور احتجاج کریں گی۔ نثار کھوڑو کا کہنا تھا کہ بھارت کو پاکستان کے منہ توڑ جواب کے نتیجے میں ناکامی کا سامنا کرنا پڑے گا۔انہوں نے کہا کہ بھارتی جارحیت کے خلاف پوری قوم متحد ہے اور اپنی افواج کے ساتھ کھڑی ہے۔