حکومت اسٹیل انڈسٹری کے مسائل حل کرنے کے لیے پرعزم

اسلام آباد، 10 مئی (پی پی آئی) وزیر اعظم کے معاون خصوصی، ہارون اختر خان، نے آج پاکستان ایسوسی ایشن آف لارج اسٹیل مینوفیکچررز کے ساتھ ایک اہم ملاقات کی جس میں اسٹیل انڈسٹری کو درپیش اہم چیلنجز، خاص طور پر ٹیرف سے متعلق مسائل پر بات چیت کی گئی۔ اجلاس کے دوران، ہارون اختر خان نے اسٹیل سیکٹر کو مضبوط کرنے کے لیے حکومت کے عزم کو اجاگر کیا۔ انہوں نے مینوفیکچررز کے ٹیرف کے اثرات کے بارے میں خدشات کا جواب دیتے ہوئے یقین دہانی کرائی کہ حکومت کے اقدامات کا مقصد صنعت کی ترقی کو سہولت فراہم کرنا ہے۔مینوفیکچررز نے حکومت پر زور دیا کہ وہ تیار شدہ اسٹیل مصنوعات پر درآمدی ٹیرف میں کمی کے لیے بات چیت کو تیز کرے۔ ہارون اختر خان نے واضح کیا کہ صنعت کی کساد بازاری کا سبب طلب میں کمی ہے نہ کہ ریگولیٹری ڈیوٹیز یا دیگر حکومتی رکاوٹیں۔ انہوں نے ان چیلنجز پر قابو پانے کے لیے حکومت کے عزم کا اعادہ کیا۔ ہارون اختر خان نے اظہار خیال کیاکہ ہمارا مقصد ٹیرف پالیسی کی اصلاح کرنا ہے تاکہ وزیر اعظم کے وژن کے ساتھ ہم آہنگ ہو، ٹیرف کو مناسب بنانا اور اسٹیل انڈسٹری کی حفاظت کرنا ہے۔وزیر اعظم کی ہدایت کے مطابق منصفانہ تحفظ اور معاونت فراہم کرنے کے لیے ٹیرف کو متوازن کرنے کی کوششیں جاری ہیں۔ انہوں نے مینوفیکچررز کو یقین دلایا کہ اضافی کسٹم ڈیوٹیز کو کم کرنے اور ریگولیٹری ڈیوٹیز کو بتدریج ایڈجسٹ کرنے کے منصوبے جاری ہیں، جس سے صنعت کو ریلیف ملے گا۔  انہوں نے کہاہم اپنے فریم ورک کو بہتر بنا رہے ہیں تاکہ اسٹیل انڈسٹری کو حکومت بہتر سہولیات دے سکے۔اجلاس کے اختتام پر، ہارون اختر خان نے صنعت کے مسائل کو حل کرنے کے لیے حکومتی کوششوں کی ضمانت دی اور مینوفیکچررز کے خدشات کو دور کرنے کے لیے جاری تعاون کا یقین دلایا۔