آزاد جموں و کشمیر فوڈ اتھارٹی کا ملاوٹ مافیا کے خلاف سخت کریک ڈاؤن

مظفرآباد،26 مئی (پی پی آئی)  آزاد جموں و کشمیر فوڈ اتھارٹی نے ملاوٹ مافیا اور مضر صحت اشیاء   کے کاروبار کرنے والوں کے خلاف کاروائیوں کا سلسلہ جاری رکھا ہے۔پنجاب سے آزاد کشمیر کی حدود میں دودھ سپلائی کرنے پر پابندی کے باوجود، ضلع میر پور میں منگلا چیک پوسٹ اور جاتلاں ہیڈ پر ناکہ لگا کر 15 موٹر سائیکلوں کے دودھ کے ڈبے ضبط کیے گئے۔اس دوران 1376 لیٹر دودھ کو موقع پر تلف کیا گیا۔ ضلع کوٹلی میں الحبیب فوڈ کے ایک بڑے سٹاک کو ضبط کیا گیا، جس پر قانونی کاروائی جاری ہے۔سیکرٹری فوڈ اتھارٹی نے کہا کہ عوام کو معیاری خوردنی اشیاکی فراہمی کے لیے کاروائیاں بلا تعطل جاری رہیں گی۔ انہوں نے کہا کہ ملاوٹ مافیا کے خلاف سخت اقدامات کیے جائیں گے۔