حجرہ شاہ مقیم ک میں گھریلو ناچاقی پر 50 سالہ نمبردار نے خودکشی کر لی

اوکاڑہ، 27 مئی (پی پی آئی)گھریلو ناچاقی سے دلبرداشتہ ہو کر ایک 50 سالہ شخص نے خودکشی کر لی۔ تفصیلات کے مطابق حجرہ شاہ مقیم کے نواحی گاؤں کے رہائشی اسلم پرویز نے گزشتہ روز اپنے گھر میں خود کو گولی مار کر اپنی زندگی کا خاتمہ کر لیا۔واقعے کی اطلاع ملنے پر پولیس موقع پر پہنچ گئی۔ پولیس کو بتایا گیا کہ اسلحے کی صفائی کے دوران گولی چل جانے سے موت واقع ہوئی۔پولیس نے ضروری شواہد اکٹھے کر کے تفتیش شروع کر دی ہے۔ ابتدائی طور پر اسے خودکشی قرار دیا جا رہا ہے۔تاہم ایس ایچ او تھانہ حجرہ شاہ مقیم حافظ اطہر رشید کا کہنا ہے کہ واقعے کے تمام پہلوؤں سے جائزہ لیا جا رہا ہے۔