کراچی، 9 ستمبر 2025 (پی پی آئی): گورنر سندھ کامران خان ٹیسوری نے تعلیم کو حملوں سے بچانے کے عالمی دن کے موقع پر اپنے پیغام میں کہا ہے کہ تعلیم پر حملہ بنیادی طور پر انسانیت اور اس کے مستقبل پر حملہ ہے۔
انہوں نے زور دے کر کہا کہ 9 ستمبر ہمیں اس بات کی یاد دلاتا ہے کہ کسی بھی صورتحال میں تعلیم کا تحفظ کتنا ضروری ہے۔ تعلیمی اداروں، اساتذہ اور طلبہ کا تحفظ عالمی برادری کا اجتماعی فریضہ ہے۔ تعلیم کو تنازعات، انتہا پسندی اور جارحیت کے خطرات سے بچانا ازحد ضروری ہے۔
گورنر نے مزید کہا کہ ترقی، امن اور خوشحالی کا واحد راستہ محفوظ اور معیاری تعلیم ہے۔