پی ٹی آئی کا چیئرمین سینیٹ سے مستعفی ہونے کا مطالبہ مزد ملزمان پر فوری ایف آئی آر درج نہ ہونے پر شدید تحفظات

اسلام آباد (پی پی آئی)پاکستان تحریک انصاف نے چیئرمین سینیٹ صادق سنجرانی سے چیئرمین شپ کا عہدہ چھوڑنے کا مطالبہ کردیا۔سینیٹ میں پی ٹی آئی اور متحدہ اپوزیشن کی پالیمانی پارٹی کا اجلاس ہوا جس کا اعلامیہ جاری کردیا گیا۔پی پی آئی کے مطابق پارلیمانی کمیٹی نے چئیرمین پی ٹی آئی عمران خان پر قاتلانہ حملے کی شدید الفاظ میں مذمت کی اور حملے میں نامزد ملزمان پر فوری ایف آئی آر درج نہ ہونے پر شدید تحفظات کا اظہار کیا۔کمیٹی نے عمران خان کی پریس کانفرنس میں کیے گئے چاروں مطالبات کی پر زور تائید کی جب کہ اجلاس میں سینیٹر اعظم سواتی کے ساتھغیر انسانی اور غیر اخلاقی سلوک پر شدید الفاظ میں مذمت کی گئی۔جاتی اعلامیے کے مطابق ایوان کے رکن اعظم سواتی کے ساتھ تقدس کی پامالی پر چئیرمین سینیٹ صادق سنجرانی سے استعفیٰ کا مطالبہ کیا گیا ہے۔