کراچی (پی پی آئی)گرینڈ ہیلتھ الائنس کے احتجاج کے باعث سرکاری اسپتالوں میں ہونے والے ہزاروں آپریشن معطل کر دیئے گئے ہیں جس کے باعث نجی اسپتالوں پر رش بڑھ گیا ہے,پی پی آئی کے مطابق اسپتالوں میں ہونے والے یومیہ ہزاروں ٹیسٹ بھی بند ہیں جبکہ ایکسرے، ایم آر آئی اور سٹی اسکین کے لیے بھی مریض پریشان ہیں جس کی وجہ سے نجی لیبارٹریز زائد قیمت میں ٹیسٹ کرنے لگی ہیں۔گرینڈ ہیلتھ کے مطالبات میں سے ایک رسک الاؤنس کی بحالی شامل ہے جبکہ ڈاکٹر، پیرا میڈیکس اور نرسز کی ترقی سمیت دیگر مطالبات بھی شامل ہیں۔