بلوچستان اسمبلی میں پارٹنر شپ بلوچستان، تنازعات کا متبادل حل ، بلوچستان ورکرز کمپنسیشن، اور بلوچستان کمرشل کورٹس کے مسودہ قانون منظور

کوئٹہ(پی پی آئی) بلوچستان اسمبلی نے پارٹنر شپ بلوچستان، تنازعات کا متبادل حل، بلوچستان ورکرز کمپنسیشن، بلوچستان آکوپیشنل سیفٹی اینڈ ہیلتھ اور بلوچستان کمرشل کورٹس کے مسودہ قانون منظور کرلیے، پی پی آئی کے مطابق بلوچستان اسمبلی کا اجلاس قائم مقام سپیکر بابرموسیٰ خیل کی زیرصدارت منعقد ہوا جس میں یہ مسودہ قانون منظور کئے گئے، یہ مسودات قوانین قائمہ کمیٹیوں سے منظور ہوچکے ہیں۔