ملکی ایئرپورٹس سے افغان ٹرانزٹ ٹریڈ کی اجازت دینے کا فیصلہ

اسلام آباد(پی پی آ ئی) پاکستان نے بندرگارہوں کے بعد ملک کے تمام انٹرنیشنل ائیر پورٹس کے ذریعے سے بھی افغان ٹرانزٹ ٹریڈ کی اجازت دینے کا فیصلہ کیا ہے۔میڈیاذرائع کے مطا بق ایئر پورٹس سے پھر زمینی راستے کے ذریعے افغانستان بھجوانے کیلئے چمن، طورخم اور غلام خان کسٹمز سٹیشنز کیلئے ڈسپیچ ہوگا، ایف بی آر نے فضائی راستے سے آنے والے ٹرانزٹ ٹریڈ کے سامان کی انٹرنیشنل ایئر پورٹس سے کلئیرنگ کا میکنزم متعارف کروانے بھی فیصلہ کیا ہے جس کیلئے کسٹمز رولز 2001 میں اہم ترامیم کی جا رہی ہیں۔دستاویز کے مطابق فیڈرل بورڈ آف ریونیو نے کسٹمز رولز میں ترامیم کا مسودہ تیار کر کے متعلقہ سٹیک ہولڈرز کی آراکیلئے جاری کر دیا ہے اور ان سے کہا گیا ہے کہ 15 دن کے اندر اپنی آراو تجاویز بھجوائیں۔مجوزہ ترمیمی کسٹمز رولز میں کہا گیا ہے کہ افغان ٹرانزٹ ٹریڈ کا سامان لانے والی ائیر لائنز کو ائیر بل دینا ہو گا، صرف اس سامان کی چمن، طور خم اور غلام خان کسٹمز سٹیشنز تک ڈسپیچ کیلئے کارگو ہو سکے گی۔