بڈھا پیسٹ(پی پی آئی)ہنگری میں پاکستان کے سفیر آصف میمن نے ہنگری کی صدر کو اپنی تعیناتی کی اسناد پیش کیں ، پاکستانی سفیر آصف میمن نے بڈھا پیسٹ کے سینڈور پیلس میں منعقدہ تقریب میں بھی شرکت کی۔ ہنگری میں پاکستان کے سفیر ایچ ای آصف حسین میمن نے ہنگری کی صدر محترمہ کاتالین نوواک کو تعیناتی کی اپنی اسناد پیش کیں،پی پی آئی کے مطابق سفیرِ پاکستان ہنگری نے ہنگری کی صدر سے بلیو سیلون روم میں باہمی دلچسپی کے امور پر تبادلہ خیال کیا۔بات چیت کے دوران سفیرِ پاکستان ہنگری آصف حسین میمن نے صدر مملکت کو ہنگری کی قیادت کے لیے پاکستان کی قیادت کی جانب سے مبارکباد اور نیک خواہشات کا پیغام پہنچایا، دوطرفہ تعلقات کی کثیر الجہتی نوعیت کو اجاگر کرتے ہوئے سفیر نے خوشگوار تعلقات کو تمام شعبوں میں مزید وسعت دینے کی پاکستان کی خواہش کا اعادہ کیا۔
Next Post
پاکستان ریلوے کو گزشتہ 6ماہ میں 35 ارب سے زائد کاخسارہ
Fri Nov 25 , 2022
اسلام آباد (پی پی آئی)پاکستان ریلوے کی آمدن کے مقابلے میں اس کے اخراجات ڈبل سے بھی زائد نکلے ہیں، پی پی آئی کے مطابق ریلوے خسارے کی تفصیلات قومی اسمبلی میں پیش کر دی گئی ہیں۔قومی اسمبلی کے اجلاس میں وقفہ سوالات کے دوران وزارت ریلوے کی جانب سے […]