پشاور(پی پی آئی)محکمہ انسداد دہشتگردی خیبرپختونخوا (سی ٹی ڈی) نے انتہائی مطلوب دہشتگردوں کے سر کی قیمت مقرر کرنے سمیت گرفتاری کے لیے تصاویر و فہرست جاری کردی ہیں۔پی پی آئی کے مطابق دہشت گردوں کی گرفتاری پر انعامی رقم بھی مقرر کی گئی ہے، پشاور سمیت خیبر پختونخوا میں اس وقت 135دہشت گرد سی ٹی ڈی کو مطلوب ہیں۔سی ٹی ڈی کی جانب سے ان مطلوب دہشتگردوں کی گرفتاری پر تین لاکھ سے ایک کروڑ روپے تک کی انعامی رقم مقرر کی گئی ہے۔مطلوب دہشتگردوں میں شہکاردین بھٹی، الطاف حسین، واجد، نقاب خان، کلیم، ظفر سید، محمد یاسر، محمد کاشف، سلیم خان،سخی زمان،عمران وزیر کے سر کی قیمت تین لاکھ روپے مقررکی گئی ہے۔دہشت گرد شیخ محمد،منصور،طاہر محبوب،حسین اللہ،خلیل احمد،بشیرکامران کے سر کی قیمت بھی تین لاکھ روپے مقررکی گئی ہے۔دہشت گرد حمزہ علی،عالم زیب،مفتی سجاد،عزیر الرحمان اور عمران کے سر کی قیمت پانچ لاکھ روپے مقررکی گئی ہے۔انتہائی مطلوب دہشت گرد وں میں سے ماجد زبیر، محمد زمضان کامران، محمد سبحان، رحمت اللہ خان، فضل حلیم کے سر کی قیمت 10 لاکھ روپے مقرر کی گئی ہے۔محمد صادق کے سر کی قیمت 20 لاکھ، محمد آصف صدیق کی 30 لاکھ اور حمز ہ علی کے سر کی قیمت 50 لاکھ مقرر کی گئی ہے۔سی ٹی ڈی کی جانب سے مولانا خالد اور محمد یوسف کے سرکی قیمت 50 لاکھ روپے، عامر قادر 60 لاکھ روپے جبکہ آصف خان،محب علی اور سیف الرحمان 80لاکھ روپے انعامی رقم مقررکی گئی ہے۔سی ٹی ڈی ترجمان کے مطابق میاں سید محمد کے سر کی قیمت ایک کروڑ روپے مقرر کی گئی ہے جبکہ انتہائی مطلوب دہشت گردوں کی اطلاع دینے والے افراد کا نام پوشید ہ رکھا جا ئے گا۔
نویں چولستان جیپ ریلی کا فائنل نادر مگسی نے جیت لیا
ٹی 20ورلڈ کپ کیلئے بنگلہ دیش کے مینز اور ویمنز ٹیموں کا اعلان
ایشیا کپ کی تیاری کیلئے قومی کرکٹرز کے کنڈیشنگ کیمپ کا آغاز
پاکستان نے ڈیوس کپ ٹینس ایشیا اوشیانہ ٹائی جیت لی
پاکستان تیسری ساﺅتھ ایشین باسکٹ چیمپئن شپ میں شرکت کریگا
آئی سی سی بورڈ کا اہم اجلاس 23فروری کو دبئی میںہوگا
تازہ ترین خبریں
- April 23, 2026
- April 22, 2026
اشتہار
تازہ ترین
کراچی میں کسٹمز انٹیلی جنس اور رینجرز کی کارروائی، اسمگل شدہ سامان برآمد
کراچی (پی پی آئی)کراچی میں کسٹمز انٹیلی جنس اور سندھ رینجرز نے یوسف گوٹھ بس ٹرمینل پر مشترکہ کارروائی کرتے ہوئے اسمگل شدہ سامان برآمد کر لیا۔ترجمان رینجرز کے مطابق کسٹمز انٹیلی جنس اور رینجرز، پولیس کی مشترکہ کارروائی کے دوران 14 ٹرکوں پر مشتمل ا سمگل شدہ سامان برآمد کیا گیا ہے۔پی پی آئی کے مطابق مشترکہ کارروائی کے دوران ا سمگل شدہ ٹائر، امپورٹڈ آئٹمز، چھالیہ، الیکٹرانکس، سگریٹ، کپڑا اور دیگر سامان برآمد کیا گیا ہے، برآمد شدہ سامان مزید قانونی کارروائی کے لیے کسٹم انٹیلی جنس کے حوالے کر دیا گیا ہے۔حکام کا کہنا ہے یوسف گوٹھ بس ٹرمینل پرکارروائی کے دوران کسی شخص کی گرفتاری عمل میں نہیں آئی۔ترجمان کاکہنا ہے کہ پاکستان رینجرز سندھ ا سمگلنگ کی روک تھام کے لیے اپنی کارروائیاں جاری رکھے گی۔
پیپلز پارٹی بلوچستان پارلیمانی بورڈ کا اجلاس کل ہوگا، صدارت چنگیز جمالی کرینگے
کوئٹہ (پی پی آئی)پاکستان پیپلز پارٹی بلوچستان کے پارلیمانی بورڈ کا اجلاس ہفتہ 30 ستمبر کو شام پانچ بجے جمالی ہاوس چمن ہاوسنگ اسکیم ائیر پورٹ روڈ پر طلب کرلیا گیا ہے، پی پی آئی کے مطابق اجلاس کی صدارت پارٹی کے صوبائی صدر میرچنگیز جمالی کریں گے۔
نواز شریف جب بھی اقتدار میں آتے ہیں معیشت کا پہیہ چل پڑتا ہے:عابد شیر علی
ریاض(پی پی آئی)مسلم لیگ ن کے رہنمامسلم لیگ ن کے سنئیر رہنما اور سابق وزیرِ مملکت برائے پانی و بجلی عابد شیر علی نے کہا ہے کہ نواز شریف جب بھی اقتدار میں آتے ہیں معیشت کا پہیہ چل پڑتا ہے۔جیسے ہی ملک کی سمت درست ہوتی ہے نواز شریف کے خلاف سازشیں بھی شروع ہو جاتی ہیں۔پی پی آئی کے مطابق وہ ادائیگی عمرہ کیلئے یہاں پہنچے ہیں انھوں نے کہا کہ نواز شریف کے سواکسی حکمران نے پاکستان میں ڈیلیور نہیں کیا نہ عوام کو ریلیف دیا ہے۔ میاں نوازشریف کاچوتھی بار وزیراعظم منتخب ہونا بدیہی حقیقت ہے،ہمارے قائدکی وطن واپسی پرانکا شایان شان تاریخی استقبال ہوگا۔ انھوں نے کہا کہ صاف شفاف انتخابات ہوئے تو سندھ باالخصوص کراچی میں بھی ماضی کی طرح ن لیگ بہتر کارکردگی دکھائیگی۔
تلاش کریں
خبریں
نویں چولستان جیپ ریلی کا فائنل نادر مگسی نے جیت لیا
چولستان: نویں چولستان جیپ ریلی کے فائنل راﺅنڈ میں اے کٹیگری کے مقابلوں میں نادر مگسی نے 220 کلومیٹر کا فاصلہ 2 گھنٹے 15 منٹ میں طے کر کے چیمپئن شپ جیتنے کا اعزاز حاصل کر لیا۔جیپ ریلی کے فائنل راﺅنڈ میں 85 گاڑیوں نے حصہ لیا جسے اے، بی، سی، ڈی، ایس ون اور ایس ٹو میں تقسیم کیا گیا۔ اے کٹیگری میں شامل نادر مگسی نے اپنے حریف سابق چیمپئن قاسم سعدی کو شکست دے دی۔ جیپ ریلی کے موقع پر لوگوں میں زبردست جوش و خروش دیکھا گیا۔ غیر ملکیوں سمیت شائقین کی بڑی تعداد سنسنی خیز مقابلوں سے محظوظ ہوتی رہی۔
ٹی 20ورلڈ کپ کیلئے بنگلہ دیش کے مینز اور ویمنز ٹیموں کا اعلان
ڈھاکہ: ٹی 20 ورلڈ کپ کے لیے بنگلہ دیش کرکٹ بورڈ نے مینز اور ویمنز کے 15,15 رکنی اسکواڈ کا اعلان کر دیا۔چیف سلیکٹر فاروق احمد نے سری لنکا کے خلاف ہوم سیریز میں متاثر کن پرفارمنس دینے والے صابر رحمان اور شبیر حسین کو منتخب کر لیا۔عرفات سنی کو ڈراپ کر کے فٹ ہونیوالے ا سپنر عبدالرزاق کو شامل کیا گیا ہے۔ورلڈ کپ میں مشفق الرحیم مینز ٹیم کی قیادت کریں گے جبکہ میزبان ویمن ٹیم کے 15 رکنی سکواڈ میں سلمہ خاتون کو کپتان برقرار رکھا گیا ہے۔
ایشیا کپ کی تیاری کیلئے قومی کرکٹرز کے کنڈیشنگ کیمپ کا آغاز
لاہور: ایشیا کپ کی تیاری کیلئے قومی کرکٹ ٹیم کا مختصر کنڈیشنگ کیمپ آج (منگل) سے لاہور میں شروع ہوگا۔ہیڈ کوچ معین خان کی نگرانی میں شروع ہونے والے چار روزہ کنڈیشنگ کیمپ میں کپتان مصباح الحق سمیت 15کھلاڑی آج رپورٹ کریں گے۔کھلاڑیوں کو صبح اور شام سیشنز میں نیشنل کرکٹ اکیڈمی اور قذافی اسٹیڈیم میں فزیکل ٹریننگ کے علاوہ فیلڈنگ،باولنگ اور بیٹینگ کی پریکٹس کرائی جائے گی جبکہ ٹارگٹ میچز بھی کھیلے جائیں گے۔کیمپ 21 فروری کو ختم ہوگا اورقومی اسکواڈ 22 فروری کی صبح لاہور سے دبئی کے راستے بنگلہ دیش روانہ ہوگا جہاں 25فروری سے ایشیا کپ کا آغاز ہوگا۔دفاعی چیمپئن پاکستان اسی روز سری لنکا کے خلاف اپنی مہم جوئی کا آغاز کرے گا۔
پاکستان نے ڈیوس کپ ٹینس ایشیا اوشیانہ ٹائی جیت لی
ویتنام: پاکستان نے ڈیوس کپ ٹینس ایشیا اوشیانہ ٹائی جیت لی۔ پاکستان کے عقیل خان نے ڈیوس کپ ٹو ٹائی کے ریورس سنگلز میں ویتنام کے کھلاڑی کو شکست دے دی۔ ویتنام میں جاری ڈیوس کپ ایشیا اوشیانہ زون گروپ ٹو ٹائی کے تیسرے روز ریورس سنگلز میں پاکستان کے عقیل خان نے ویت نام کے کھلاڑی تھین ہوآنگ کو اسٹریٹ سیٹ میں شکست دیدی۔ عقیل خان کی فتح کا اسکور چھ دو ، چھ چاراور چھ تین رہا۔ بیسٹ آف فائیو میں پاکستان نے تین ایک سے کامیابی حاصل کی۔
پاکستان تیسری ساﺅتھ ایشین باسکٹ چیمپئن شپ میں شرکت کریگا
اسلام آباد: پاکستانی ٹیم تیسری ساﺅتھ ایشین باسکٹ بال چیمپئن شپ میں شرکت کرے گی ۔ پاکستان باسکٹ بال فیڈریشن حکام کے مطابق چیمپئن شپ رواں سال اپریل کے آخری ہفتے میں نیپال کے شہر کھٹمنڈو میں منعقد ہوگی ۔ ایونٹ میںپاکستان ،بھارت ،بنگلہ دیش ،سری لنکا ،نیپال ،بھوٹان ،مالدیپ اورافغانستان کی ٹیمیں شرکت کریں گی ۔
آئی سی سی بورڈ کا اہم اجلاس 23فروری کو دبئی میںہوگا
دبئی: انٹرنیشنل کرکٹ کونسل کے بورڈ آف ایگزیکٹیو کا اجلاس رواں ماہ 23فروری کو آئی سی سی ہیڈ کوارٹرز دبئی میں منعقد ہوگا ۔ اجلاس کی صدارت آئی سی سی کے چیف ڈیو رچرڈسن کریں گے ۔ توقع کی جارہی کہ اجلا س میں بگ تھری کی قرارداد کو متفقہ طور پر منظور کرلیا جائے گا ۔