اسلام آباد(پی پی آئی)سیکرٹ ایکٹ عدالت اسلام آباد نے پی ٹی آئی کے چیئرمین کو بیٹوں سے ٹیلیفون پر بات کرنے کی اجازت دیدی۔ چیئرمین پی ٹی آئی نے وکیل عمیر نیازی اور شیراز احمد کے ذریعے اپنے بیٹوں قاسم اور سلیمان سے ٹیلیفون پر بات کرنے کی درخواست دائر کی،درخواست میں کہا گیا ہے کہ اپنے بیٹوں قاسم اور سلیمان سے ٹیلیفون یا واٹس ایپ پر بات کرنا چاہتا ہوں۔ سیکرٹ ایکٹ عدالت کے جج ابوالحسنات ذوالقرنین نے چیئرمین پی ٹی آئی کی درخواست منظور کر لی۔ عدالت نے اٹک جیل کو والد سے بیٹوں کی ٹیلیفون پر بات کرانے کے انتظامات کرنے کی ہدایت کر دی
ارجنٹائن ڈاکار ریلی میں دلچسپ اور سنسنی خیز مقابلوں کا آغاز
دوسرے ٹیسٹ میں کامیابی کیلئے پاکستان اور سری لنکا کی تیاریاں جاری
ہوائی گالف چیمپئن شپ: تین کھلاڑیوں نے مشترکہ برتری حاصل کر لی
ایف اے کپ : آرسنل نے ٹوٹنہم کو دو صفر سے شکست دیدی
نئی ٹیسٹ رینکنگ : پاکستان کرکٹ ٹیم چوتھے سے پانچویں نمبر پر چلی گئی
یوروگوئے فٹبال ٹیم کے کھلاڑی میں کینسر کی تشخیص،کلب معاہد منسوخ
تازہ ترین خبریں
اوکاڑہ میں اجتماعات ، شہدائے معرکہ حق کو خراج عقیدت پیش
(May 6, 2026)
متعدد ہلاکتوں کے بعد دریائے حب میں سرگرمیوں پر پابندی
(May 4, 2026)
- April 23, 2026
اشتہار
تازہ ترین
شیریں مزاری ای سی ایل کیس: آئی جی اسلام آباد پر 25 ہزار روپے جرمانہ
اسلام آباد(پی پی آئی)سابق وفاقی وزیر شیریں مزاری کی ای سی ایل سے نام نکلوانے کی درخواست میں اسلام آباد ہائی کورٹ نے آئی جی اسلام آباد پر 25 ہزار روپے جرمانہ عائد کر دیا۔اسلام آباد ہائی کورٹ نے حکم دیا کہ آئندہ سماعت سے قبل آئی جی 25 ہزار روپے پٹیشنر شیریں مزاری کو دیں۔2 اگست کو ایک ہفتے میں آئی جی اسلام آباد کو جواب جمع کرانے کا حکم دیا، 10 اگست تک جواب جمع نہیں کرایا، ایک ہفتہ مہلت کی استدعا بھی عدالت نے منظور کی، 29 اگست کو بھی آئی جی اسلام آباد نے جواب جمع نہیں کرایا۔عدالت نے کہا کہ آئی جی اسلام آباد کو آج بھی جواب جمع نہ کرانے پر 25 ہزار روپے جرمانہ عائد کیا جاتا ہے، عدالتی حکم میں کہا گیا کہ آئی جی انکوائری کرائیں کہ عدالتی حکم کے مطابق جواب جمع کیوں نہیں ہوا؟ انکوائری کر کے ایکشن لے کر 2 ہفتے میں جواب جمع کرائیں۔جسٹس طارق محمود جہانگیری نے تین صفحات پر مشتمل تحریری آرڈر جاری کر دیا، جس میں آئی جی اسلام آباد پر 25 ہزار روپے جرمانہ عائد کرتے ہوئے 2 ہفتے میں جواب جمع کرانے کا حکم دیا گیا ہے۔
محکمہ تعلیم سندھ نے طلبہ کی جسمانی سزاؤں پر پابندی عائد کر دی
کراچی(پی پی آئی)محکمہ تعلیم سندھ نے سکول میں طلبہ پر جسمانی سزا کا نوٹس لیتے ہوئے جسمانی سزاؤں پر پابندی عائد کر دی۔ایڈیشنل ڈائریکٹر پرائیوٹ سکولز پروفیسر رفیعہ ملاح نے نجی سکولوں کی انتظامیہ کو مراسلہ جاری کر دیا۔نجی سکولوں کو جاری کردہ مراسلے کے مطابق سزاؤں کے حوالے سے والدین کی لاتعداد شکایتیں موصول ہو رہی ہیں۔مراسلے میں کہا گیا ہے کہ سکولوں کے رجسٹریشن سرٹیفکیٹ میں جسمانی سزا پر پابندی کی شرط ہوگی، طلبہ کو جسمانی سزا دی گئی تو سکول کی رجسٹریشن معطل کر دی جائے گی۔
پنجاب انتخابات کیس: الیکشن کمیشن کی نظر ثانی اپیل مسترد
اسلام آباد(پی پی آئی)سپریم کورٹ آف پاکستان نے پنجاب میں انتخابات 14 مئی کو کرانے کے فیصلے کے خلاف الیکشن کمیشن کی نظرِ ثانی کی اپیل مسترد کر دی۔چیف جسٹس عمر عطاء بندیال کی سربراہی میں 3 رکنی بنچ نے سماعت کی، جسٹس اعجاز الاحسن اور جسٹس منیب اختر بنچ کا حصہ تھے۔سماعت کے آغاز پر وکیل الیکشن کمیشن سجیل سواتی کا کہنا تھا کہ دو ہفتے پہلے سپریم کورٹ کا پنجاب انتخابات سے متعلق تفصیلی فیصلہ ملا، سپریم کورٹ کے فیصلے کی روشنی میں کچھ اضافی دستاویزات جمع کرانا چاہتے ہیں۔وکیل سجیل سواتی نے کہا کہ الیکشن کمیشن کے اختیارات میں انتخابات کی تاریخ دینے کی حد تک اضافہ کیا گیا ہے، جس پر جسٹس منیب اختر کا کہنا تھا اس سب کا نظر ثانی کیس سے تعلق نہیں بنتا۔الیکشن کمیشن کے وکیل کا کہنا تھا کہ اگلے ہفتے کا وقت دے دیں تاکہ دلائل تیار کر سکوں۔جسٹس منیب نے ریمارکس دیئے کہ جو فیصلہ آیا وہ کیس ختم ہو چکا۔چیف جسٹس پاکستان نے وکیل الیکشن کمیشن کو ہدایت کی کہ آپ اپنا جواب ابھی عدالت میں ہمارے ساتھ ہی پڑھیں، جس پر الیکشن کمیشن کے وکیل کا کہنا تھا سیکشن 58،57 میں ترامیم کے بعد الیکشن کی تاریخ دینے کا اختیار الیکشن کمیشن کا ہے۔
جسٹس منیب اختر نے الیکشن کمیشن کے وکیل سے کہا کہ وکیل صاحب ذہن میں رکھیں یہ نظر ثانی ہے، جس پر الیکشن کمیشن کے وکیل کا کہنا تھا آئین الیکشن کمیشن کو انتخابات کرانے کی ذمہ داری دیتا ہے اختیار نہیں۔جسٹس اعجازالاحسن نے کہا کہ آئین الیکشن کمیشن کی ذمہ داریوں سے متعلق واضح ہے۔چیف جسٹس پاکستان کا کہنا تھا کہ آپ 3 بار بتا چکے کہ الیکشن کمیشن کے پاس طاقت نہیں ذمہ داری ہے اب آگے چلیں۔جسٹس اعجاز الاحسن نے کہا کہ آئین الیکشن کمیشن کو انتخابات کی تاریخ آگے بڑھانے کا اختیار نہیں دیتا۔جسٹس منیب اختر کا کہنا تھا کہ الیکشن کمیشن سے پوچھا کہ انتخابات کی تاریخ آگے بڑھائی جا سکتی ہے یا نہیں، سپریم کورٹ فیصلہ دے چکی الیکشن کمیشن انتخابات کی تاریخ آگے نہیں بڑھا سکتا، آپ نظر ثانی کیس میں ہمارے سامنے آئے ہیں دوبارہ سے دلائل مت دیں۔جسٹس منیب اختر کا وکیل الیکشن کمیشن سجیل سواتی سے مکالمہ کرتے ہوئے کہنا تھا کہ ایک ہی دائرے کے گرد گھومنا بند کریں، آئین کسی کی جاگیر نہیں ہے، کوئی بھی آئین سے انحراف یا تجاوز نہیں کر سکتا، آئین پر عملدرآمد میں مشکل ہو تو عدالت جانا چاہیے۔فاضل جج نے مزید کہا کہ عدالت نے متعدد بار پوچھا الیکشن کمیشن کو پنجاب انتخابات کیلئے فنڈز اور سکیورٹی دی جائے تو انتخابات کرائیں گے یا نہیں، الیکشن کمیشن نے کہا فنڈز اور سکیورٹی ملے تو انتخابات کرا دیں گے۔سپریم کورٹ نے پنجاب میں انتخابات سے متعلق الیکشن کمیشن کی نظر ثانی کی درخواست خارج کر دی اور چیف جسٹس پاکستان عمر عطا بندیال نے ریمارکس دیئے کہ جب بھی آئینی خلاف ورزی ہوگی عدالت مداخلت کرے گی۔واضح رہے کہ سپریم کورٹ نے 4 اپریل کو حکم دیا تھا کہ پنجاب میں 14 مئی کو انتخابات کرائے جائیں جس کے بعد الیکشن کمیشن نے عدالتی فیصلے کے خلاف نظرثانی درخواست دائر کی تھی۔
تلاش کریں
خبریں

ارجنٹائن ڈاکار ریلی میں دلچسپ اور سنسنی خیز مقابلوں کا آغاز
(January 6, 2014)
بیونس آئرس: ارجنٹائن ڈاکار ریلی میں دلچسپ اور سنسنی خیز مقابلوں کا آغازہوگیا۔ پہلے مرحلے میں پرتگال کے ڈرائیور اورا سپین رائیڈر کی پہلی پوزیشن رہی۔ ارجنٹائن میں تاریخی ریسنگ ایونٹ ڈاکار ریلی کا میلہ سج گیا ہے۔ پہلے روز ہونے والے مقابلوں میں شرکاءنے عمدہ پر فارمنس دکھائی۔ کار ریس کے پہلے مرحلے میں پرتگال کے کارلوس سوزا فاتح رہے۔ وہ مقررہ فاصلہ دو گھنٹے بیس منٹ اور چھتیس سیکنڈز میں مکمل کر کے کامیاب ڈرائیور رہے۔ میزبان ملک کے آرلینڈ کی دوسری اور قطر کے ناصر کی تیسری پوزیشن رہی۔ موٹر بائیک ایونٹ میں اسپینش رائیڈر جان باریڈا کی پہلی پوزیشن رہی۔

دوسرے ٹیسٹ میں کامیابی کیلئے پاکستان اور سری لنکا کی تیاریاں جاری
(January 6, 2014)
دبئی: پاکستان اور سری لنکا کی ٹیمیں دوسرے ٹیسٹ میچ کی تیاری میں مصروف ہو گئیں۔ دونوں ٹیموں کے درمیان سیریز کا پہلا میچ ڈرا ہو گیا تھا۔ پاکستان اور سری لنکا کی ٹیموں نے دبئی میں پریکٹس سیشن میں بھر پورحصہ لیا۔ سیریز کے پہلے میچ میں قومی بیٹنگ کامیاب ہوئی تو کمزور بولنگ کے سامنے سری لنکن ٹیم دیوار بنی اور میچ کو ڈرا کی طرف بڑھا کر اپنی ہار کو ٹال دیا تھا۔ پاکستانی ٹیم میں ٹیسٹ ڈیبیو کرنیوالے بیٹسمین احمد شہزاد اور بلاول بھٹی نے پر اعتماد کھیل کا مظاہرہ کیا۔ احمد شہزاد نے پہلے ٹیسٹ کی دونوں اننگز میں 93 رنز اسکور کیے۔ جبکہ بلاول بھٹی کی مجموعی پانچ وکٹیں بھی شاندار تھیں۔ قومی ٹیم کے کپتان مصباح الحق نے دوسرے میچ میں کامیابی حاصل کرنے کے عزم کا اظہار کیا ہے۔ دوسری جانب سری لنکن ٹیم بھی دوسرے ٹیسٹ میں کامیابی کے لیے پر امید ہے۔ دونوں ٹیموں کے درمیان سیریز کا دوسرا ٹیسٹ میچ 8 جنوری سے دبئی میں شروع ہو گا۔

ہوائی گالف چیمپئن شپ: تین کھلاڑیوں نے مشترکہ برتری حاصل کر لی
(January 6, 2014)
ہوائی: ہوائی گالف چیمپئن شپ کے تیسرے راونڈ میں تین کھلاڑیوں نے مشترکہ برتری حاصل کر لی۔ ہوائی میں جاری پی جی اے گالف چیمپئن شپ کے تیسرے راونڈ میں دلچسپ مقابلے ہوئے۔ امریکہ کے ڈسٹن جانسن ، ویب سمپسن اور جارڈن سپیتھ نے عمدہ کھیل کا مظاہرہ کیا۔ تینوں امریکی گالفرز کے درمیان کانٹے کا مقابلہ ہوا جس کے نتیجے میں تینوں کھلاڑی ایک شاٹ کی برتری حاصل کر کے ٹائٹل کی دوڑ میں شامل ہوئے۔ دفاعی چیمپئن زیک جانسن کی ایونٹ میں دوسری پوزیشن رہی۔

ایف اے کپ : آرسنل نے ٹوٹنہم کو دو صفر سے شکست دیدی
(January 6, 2014)
لندن: ایف اے کپ میں آرسنل نے روایتی حریف ٹوٹنہم ہوٹسپر کو دو گول سے ہرا دیا۔ لندن میں کھیلے گئے میچ میں آرسنل کی ٹیم حاوی رہی۔31 ویں منٹ میں سنتیگو کا زورلا نے اپنی ٹیم کو برتری دلا دی، پہلا ہاف آرسنل کی برتری پر ختم ہوا۔ دوسرے ہاف کے 62 ویں منٹ میں ٹوماس روسیکی نے خوبصورت گول کر کہ آرسنل کی جیت یقینی بنا دی۔ ٹوٹنہم ہوٹسپر میچ میں کوئی گول نہ کر سکی۔ دو صفر کی جیت کے سات آرسنل نے چوتھے راونڈ میں جگہ پکی کر لی۔

نئی ٹیسٹ رینکنگ : پاکستان کرکٹ ٹیم چوتھے سے پانچویں نمبر پر چلی گئی
(January 6, 2014)
دبئی: انٹرنیشنل کرکٹ کونسل (آئی سی سی) نے نئی ٹیسٹ رینکنگ جاری کر دی۔تازہ ٹیسٹ رینکنگ میں جنوبی افریقہ پہلے اور بھارت دوسرے نمبر پر ہے۔ پاکستان ٹیم ایک درجہ کم ہو کر چوتھے سے پانچویں نمبر پر چلی گئی جبکہ انگلینڈ کی ٹیم تیسرے سے چوتھے نمبر پر آگئی ہے۔

یوروگوئے فٹبال ٹیم کے کھلاڑی میں کینسر کی تشخیص،کلب معاہد منسوخ
(January 6, 2014)
یورا گوئے: یوراگوئے کے معروف کھلاڑی سیبسٹین آریسو میں کینسر کی تشخیص کے بعد فٹبال کلب نے معاہدے سے دستبرداری کا اعلان کر دیا۔یوراگوئے میں اولمپیا فٹبال کلب کی انتظامیہ سے شکوہ کرتے ہوئے سیبسٹین آریسوں کا کہنا تھا کہ مشکل وقت میں نہ صرف کلب نے ان کی خدمات کو فراموش کیا بلکہ معاہدے کی منسوخی پر تین ماہ کی ملنے والی اضافی تنخواہ کو بھی روک لیا ہے۔اولمپیا فٹبال کلب کی انتظامیہ کا کہنا ہے کہ معاہدہ عارضی طور منسوخ کیا گیا ہے اور دفاعی کھلاڑی کی صحتیابی کے بعد دوبارہ بحال کردیا جائے گا۔