کراچی(پی پی آئی) عدالت نے حلیم عادل شیخ کو رہا کرنے کا حکم دے دیا۔ تفصیلات کے مطابق انسداد دہشت گردی عدالت میں 9 مئی واقعات سے متعلق کیس کی سماعت ہوئی،پی ٹی آئی رہنما حلیم عادل شیخ کو عدالت میں پیش کیا گیا۔ پولیس نے پی ٹی آئی رہنما کے جسمانی ریمانڈ کی استدعا کی جیسے عدالت نے مسترد کر دیا۔ انسداد دہشت گردی عدالت نے حلیم عادل شیخ کو رہا کرنے کا حکم دے دیا جس کے بعد رہنما پی ٹی آئی کی ہتھکڑیاں کھول دی گئیں۔یاد رہے کہ گزشتہ روز حلیم عادل شیخ کو سندھ ہائیکورٹ کے باہر سے گرفتار کیا گیا تھا۔حلیم عادل شیخ 9 مئی واقعات کے بعد گزشتہ روز پہلی بار منظرِ عام پر آئے اور پی ٹی آئی رہنما سندھ ہائیکورٹ پہنچے تھے،انہوں نے وارنٹ گرفتاری کیخلاف سندھ ہائیکورٹ میں درخواست دائر کی۔سندھ ہائیکورٹ میں حلیم عادل شیخ کی درخواست پر سماعت ہوئی تھی،عدالت نے رہنما پی ٹی آئی کے ناقابلِ ضمانت وارنٹ گرفتاری معطل کر دئیے اور اینٹی کرپشن پولیس کو گرفتار کرنے سے روک دیا۔ہائیکورٹ نے حلیم عادل شیخ کو سات روز میں متعلقہ عدالت میں پیش ہونے کی ہدایت کی۔ درخواست میں مؤقف اختیار کیا گیا تھا کہ انسداد دہشت گردی عدالت حیدر آباد نے نا قابل ضمانت وارنٹ گرفتاری جاری کئے۔ پشاور ہائیکورٹ سے حفاظتی ضمانت پر ہوں،سندھ ہائیکورت کسی بھی مقدمے میں گرفتاری سے روک چکی ہے۔ درخواست میں استدعا کی گئی کہ عدالت کے وارنٹ گرفتاری معطل کئے جائیں اور کسی بھی مقدمے میں گرفتاری سے روکا جائے۔ حلیم عادل شیخ نے صحافیوں سے گفتگو میں کہا تھا کہ پہلے بھی عدالتوں کا سامنا کیا،امید ہے انصاف ملے گا،ہمیں تو آنا تھا عدالتوں سے کبھی دور نہیں ہوئے،پیپلز پارٹی جاتے ہوئے کسی اور کے کندھے پر بندوق رکھ کر چلانا چاہتی تھی۔
سبی: تین سال سے بند چلتن ایکسپریس کی بحالی کے اقدامات
حیدر آباد : 4ستمبر کو ملک بھر میں مہنگائی ،لوڈ شیدنگ ،نجکاری اور کم اجرتوں کے خلا ف احتجاج ہو گا
جمیعت علما ءپاکستان 7ستمبر کو یوم تحفظ ختم نبوت منائے گی :ڈاکٹرصاحبزادہ ابولخیر محمد زبیر
اوباڑو:صوبائی وزیر سوشل ویلفیئر و وومن ڈیولپمنٹ روبینہ قائم خانی کا سیلاب سے متاثرہ علاقوں کا دورہ
میرپورخاص:ایف آئی اے اور سوئی سدرن گیس کا سی این جی پمپ پر چھاپہ
ڈی آر ایس نے امپائرز پر اعتماد کو ختم کردیا ہے : انضمام الحق
تازہ ترین خبریں
- April 22, 2026
- April 22, 2026
اشتہار
تازہ ترین
شاہ محمود قریشی کے بیٹے زین قریشی کو بیرون ملک جانے سے روک دیا گیا
لاہور(پی پی آئی)پاکستان تحریک انصاف (پی ٹی آئی) کے وائس چیئرمین اور سابق وزیر خارجہ شاہ محمود قریشی کے بیٹے زین قریشی کوبیرون ملک جانے سے روک دیا گیا۔ تفصیلات کیمطابق زین قریشی غیر ملکی ایئر لائن کی پرواز سے دبئی جا رہے تھے، شاہ محمود قریشی کے بیٹے کا نام آئی بی ایم ایس سسٹم پر پی این آئی ایل لسٹ میں ہے،ذرائع کا کہنا ہے کہ زین قریشی 9 مئی کے واقعات میں درج مقدمے میں ملتان پولیس کو مطلوب ہیں،زین قریشی کا نام ڈی آئی جی لیگل پنجاب کی سفارش پر لسٹ میں ڈالا گیا تھا۔
پنجاب میں 73 لاکھ سے زائد بچیسکول نہیں جاتے:رپورٹ
لاہور(پی پی آئی) پنجاب میں 73 لاکھ سے زائد بچے تعلیم سے محروم ہیں۔ سکول ایجوکیشن ڈپارٹمنٹ کی رپورٹ میں تہلکہ خیز انکشافات منظر عام آئیں ہیں۔رپورٹ کے مطابق پنجاب میں پرائمری لیول کے 19لاکھ بچے سکول نہیں جاتے جبکہ جونیئراورمڈل لیول کے32لاکھ سے زائد بچے اسکول نہیں جارہے۔سینئر لیول کے21 لاکھ سیزائد بچیاسکول جانے سے محروم ہیں۔رپورٹ میں انکشاف ہوا کہ راجن پور، رحیم یار خان، بہاولپور، ڈی جی خان، لودھراں اور بھکر میں سکول نہ جانے والوں کی تعداد سب سے زیادہ ہے۔رپورٹ کے مطابق صوبے میں 47 فیصد لڑکے اور 53 فیصد لڑکیاں سکول نہیں جاتیں جبکہ سکول نہ جانے والے 70فیصد بچیپنجاب کیدیہاتی علاقوں میں سے ہیں۔رپورٹ میں بتایا گیا کہ والدین غربت کواسکول نہ بھیجنیکی وجہ قراردیتے ہیں۔سیکریٹری اسکولز ایجوکیشن کا کہنا ہے کہ پنجاب میں 48 ہزار سے زائد سرکاری اسکولز ہیں۔ اسکول نہ جانے والے طلباء کے لیے بھرپور انرولمنٹ مہم چلارہے ہیں۔سیکریٹری اسکول ایجوکیشن احسن وحید نے کہا کہ 31 اکتوبر کو زیادہ سے زیادہ طلباء کو اسکولوں میں داخل کریں گے۔ محکمہ اسکول ایجوکیشن ایک کروڑ17 لاکھ بچوں کو مفت تعلیم دے رہا ہے۔
کراچی میں مردم شماری سے سیٹیں بڑھیں گی، رانا ثناء اللہ
اسلام آباد(پی پی آئی) سابق وزیر داخلہ رانا ثنا اللہ کا کہنا تھا کہ کراچی میں مردم شماری سے سیٹیں بڑھیں گی جس کا فائدہ ایم کیو ایم پاکستان کو پہنچ سکتا ہے اور اس سے پیپلز پارٹی کو نقصان ہوگا۔ نجی ٹی وی کے پروگرام میں گفتگو کرتے ہوئے رانا ثنا اللہ کا کہنا تھاکہ یہ قومی خوش قسمتی ہے کہ سب کا مردم شماری پر اتفاق رائے ہوا، سب کو معلوم تھا کہ مردم شماری کے بعد حلقہ بندیاں ہونی ہیں، سیاسی طور پر اگر اب کسی کو کوئی اور نعرہ زیادہ مناسب لگتا ہے تو لگائیں۔ انہوں نے کہا کہ ایم کیو ایم کو مردم شماری سے متعلق گلہ تھا شاید فائدہ بھی ان ہی کو پہنچ رہا ہے جبکہ کراچی میں سیٹیں بڑھیں گی جس کا پیپلز پارٹی کو نقصان کا احتمال ہے۔ ان کا کہنا تھا خیبر پختونخوا میں حلقہ بندیوں سے کچھ لوگوں کو فائدہ ہو رہا ہے، جن کو فائدہ پہنچ رہا ہے وہ چاہتے ہیں حلقہ بندیاں ہوں اور جن کو نقصان ہے وہ چاہتے ہیں ابھی نہ ہوں، آئین اور قانون کا تقاضا ہے کہ مردم شماری کی منظوری کے بعد اب حلقہ بندی ہونی چاہیے۔ آئی ایم ایف کے ساتھ معاہدے کے حوالے سے رہنما مسلم لیگ ن کا کہنا تھا قوم کو علم ہے کہ ہم نے بڑی کوشش کی یہ معاہدہ تاخیر کا شکار بھی ہوا۔ آئی ایم ایف سے مذاکرات بھی کیے، تقاضا بھی کیا اور ان کی منتیں بھی کیں، آئی ایم ایف سے تقاضا اور منتیں کرتے رہے کہ شرائط کو نرم کریں، معاہدہ ہو چکا تھا وہ کہتے تھے کہ ہمیں غرض نہیں کہ اس وقت وزیراعظم کا کیا نام تھا اور اب کیا ہے۔ سابق وزیر داخلہ کا کہنا تھا بڑی مجبوری کی حالت میں ہمیں معاہدے کی شرائط کی توثیق کرنا پڑی، معاہدے کی شرائط کی توثیق نہ کرتے تو ملک ڈیفالٹ ہو جاتا،ہم نے ملک کو بہت بڑے خطرے سے بچایا ہے، اب تکلیف ہے تنگی ہے نگران حکومت سے کہا ہے کہ بجلی بل کو اقساط میں کیا جائے۔ رانا ثنا اللہ کا کہنا تھا نگران حکومت سے کہا کہ سردیوں میں بجلی کے بل کم ہو جائیں گے لہذا ابھی بل کی قسطیں کی جائیں، جس کا 15 ہزار کا بل ہے وہ ابھی 15 نہیں دے سکتا 5 ہزار تو دے سکتا ہے، نگران حکومت قابل لوگوں پر مشتمل ہے امید ہے مشکل گھڑی میں قوم کو ریلیف دیں گے۔رہنما مسلم لیگ ن نے کہا کہ چیئرمین پی ٹی آئی کے باہر جانے کی ڈیل کا مجھے علم نہیں، حافظ حمداللہ کے پاس اگر معلومات ہیں تو وہ اس بارے میں بات کر سکتے ہیں، اس سے پہلے بھی سیف ایگزٹ کے معاملات ہوئے اس میں احتیاط کرنا پڑتی ہے، کسی پر کیس ہے تو وہ چلنا چاہیے میرٹ اور قانون کے مطابق فیصلہ ہونا چاہیے۔
تلاش کریں
خبریں
سگ گزیدگی کے بڑھتے واقعات سنگین خطرہ ہیں:پاسبان
وزیراعظم سے مسلم لیگ (ن) کی خواتین ارکانِ پارلیمنٹ کی ملاقات
کھورواہ میں جھگڑے کے دوران خاتون ہلاک ،، 2 مرکزی ملزمان گرفتار
سبی: تین سال سے بند چلتن ایکسپریس کی بحالی کے اقدامات
سبی: تےن سال سے بند چلتن اےکسپرےس کی بحالی کے اقدامات کو حتمی شکل دے دی گئی ۔انتہائی باخبر ذرائع کے مطابق بلوچستان کی عوام کی سفری مشکلات کو مدنظر رکھتے ہوئے وفاقی حکومت نے تےن سال سے زائدعرصے سے بندکوئٹہ سے لاہور براستہ ڈےرہ غازی خان چلنے والی مسافر ریل چلتن اےکسپرےس کو دوبارہ بحال کرنے کا فیصلہ کےا ہے جس کی روشنی مےں مذکورہ مسافر ریل کو15ستمبر سے چلانے کے اقدمات کو حتمی شکل دی گئی ہے ، واضح رہے کہ سابق وزےر اعظم بے نظےر بھٹو کی شہادت کے موقع پر مسافر ریلوںاور اسٹےشنوں کوجلانے کے واقعات کے بعدمحکمہ رےلوے نے انجنوں اور مسافر بوگیوں کی کمی کے باعث کئی مسافرریلوں کو بند کردےا تھا جس مےں بلوچستان سے چلنے والی کوئٹہ، چلتن اےکسپرےس ، نائٹ کوچ بھی شامل تھیں۔ بلوچستان کے عوامی سماجی سےاسی حلقوں نے کوئٹہ سے چلتن اےکسپرےس کی بحالی کا حکومتی فیصلے کا خےر مقدم کرتے ہوئے وفاقی اور صوبائی حکومت سمےت وفاقی وزےر رےلوے سے مطالبہ کےا ہے کہ بلوچستان کی تمام بند مسافر ٹرےنوں جن مےں خاص کر نائٹ کوچ، اباسےن اےکسپرےس اور مہران اےکسپرےس کو بھی بحال کرکے عوام کو رےل کے سستے سفر کی بہترےن سروس فراہم کرنے کے اقدامات کئے جائےں، محکمہ رےلوے کو بلوچستان مےں رےلوے مسافرٹرےنوں کی بندش سے ماہانہ لاکھوں روپے کا نقصان اٹھانا پڑتا ہے جبکہ مختلف اسٹےشنو ں پر محکمہ رےلوے کے اہلکاروں کی موجودگی کے باعث محکمہ رےلوے کو تنخواہوں کی مد مےں بھی نقصانات کا سامنا ہے جبکہ ہرنائی سبی سےکشن کی بندش کے باعث بھی رےلوے کو سالانہ اربوں روپے کا نقصان ہورہا ہے ۔
حیدر آباد : 4ستمبر کو ملک بھر میں مہنگائی ،لوڈ شیدنگ ،نجکاری اور کم اجرتوں کے خلا ف احتجاج ہو گا
حیدر آباد: ملک بھر کے محنت کش 4ستمبر کو مہنگائی ،لوڈ شیڈنگ نجکاری اور کم اجرتوں کے خلا ف احتجاج کریں گے ۔پاکستان ورکرز کنفیڈریشن کے ملک گیر سمینار منعقد ہ اسلام آباد پریس کلب کے فیصلے کے مطابق ملک بھر کے محنت کش 4ستمبربروز بدھ کو مہنگائی، لوڈشیڈنگ ، نجکاری اور کم اجرتوں کے خلاف احتجاج، جلسے جلوس اور ریلیاں نکال کر مزدور یکجہتی کا مظاہرہ کرینگے ۔ ان خیالات کا اظہار پاکستان ورکرز کنفیڈریشن کے نو منتخب مرکزی چیف آرگنائزر اور سندھ کے صدر عبداللطیف نظامانی نے لیبر ہال حیدرآباد میں مزدور تنظیموں کے نمائندہ اجلاس سے خطاب کرتے ہوئے کیا ۔ اجلاس میں واپڈا HDA,، بسکٹ فیکٹری ، شگر ملز، ہوم ویسٹ ، ریلوے ، بینکس ، سندھ پارٹیکل بورڈ، سندھی ادبی بورڈ، وغیرہ کے نمائندے بھی موجود تھے۔ عبداللطیف نظامانی نے اجلاس کو مزیدکہا کہ پاکستان کی مختلف نمائندہ مزدور تنظیموں کے پلیٹ فارم پاکستان ورکرز کنفیڈریشن کے مرکزی اجلاس میں عہدیداروں کا چناﺅ متفقہ طور پر عمل میں لایا گیا جس میں محترمہ روبینہ ، جمیل صاحبہ، کو مرکزی صدر ، خورشید احمد کو مرکزی جنرل سیکریٹری ، یوسف بلوچ کو چیئرمین رمضان اچکزئی ، سینئر وائس چیئرمین ، گوہر تاج ، سینئر نائب صدر، جلیل شاہ، جوائنٹ صدر اکبر علی ، ایڈیشنل جنرل سیکریٹری ناصر منصور ، ترجمان اور دیگر شامل ہیں۔اجلاس میں شامل تمام نمائندوں نے ملک میںبے روزگاری ، مہنگائی ، لوڈشیڈنگ ، نجکاری ، حکومت کا الیکشن میں کئے گئے وعدوں سے انحراف ، اجرتوں میں ناکافی اضافہ جیسے اہم اور دیگر مزدور مسائل کو اجاگر کرنے کیلئے 4ستمبرکو ملک گیر یوم مطالبات منانے کا فیصلہ کیاہے ، لہذا 4ستمبر کو نہ صرف سندھ بھر کے بلکہ پورے ملک کے محنت کش بھرپور انداز میں مزدور دوستی اور اتحاد کا مظاہرہ کرکے حکومت کو باور کرادیں کہ ملک کا محنت کش ابھی زندہ ہیں اور وہ کسی ایسے فیصلے کو قبول نہیں کریں گے جو ورلڈ بینک اور آئی ایم ایف کے ایماں پر مسلط کیاجائے گا۔ اجلاس سے اقبال قائمخانی نے خطاب کرتے ہوئے کہا پاکستان ورکرز کنفیڈریشن میںہماری یونین ہراول دستے کا کردار ادا کریگی اور احتجاج کو کامیاب بنانے کیلئے شانہ بشانہ ہونگے۔ اجلاس سے دیگر عہدیداران نے بھی خطاب کیا۔
جمیعت علما ءپاکستان 7ستمبر کو یوم تحفظ ختم نبوت منائے گی :ڈاکٹرصاحبزادہ ابولخیر محمد زبیر
حیدر آباد: جمعیت علماءپاکستان کے صدر ڈاکٹر صاحبزادہ ابوالخیر محمد زبیر نے کہا ہے کہ 7ستمبرکو یوم تحفظ ختم نبوت منایا جائے گا۔جمعیت علماءپاکستان یوم تحفظ ختم نبوت ﷺکے سلسلے میں ملک بھر میں کانفرنسیں ،جلسے ،جلوس ،اجتماعات اور ریلیاں نکالی جائیں گی ۔ 7ستمبر1974ءکوقائد ملت اسلامیہ امام شاہ احمد نورانی صدیقی کی تاریخی جدوجہد کے نتیجے میں پاکستان کی پارلیمنٹ نے متفقہ طور پر فتنہ قادیانیت کو غیر مسلم اقلیت قرار دینے کی ایمان افروز قرار دادمنظور کی تھی، اس موقع پر اسلامیان پاکستان عقیدہ ختم نبوت ﷺ کے تحفظ اور فتنہ قادیانیت کے باطل نظریات کے خلاف کسی قربانی سے دریغ نہ کرنے کا عزم کریں گے، انھوں نے جمعیت علماءپاکستان کی تمام صوبائی،ضلعی اور مقامی تنظیموں کو ہدایات کی ہے کہ وہ اپنے اپنے صوبوں ،ضلعوں شہروں اور علاقوں میں عقیدہ ختم نبوت ﷺ کے تحفظ کے لئے قائد اہلسنت امام شاہ احمدنورانی کی بے مثالی جدوجہد سے ملت کو آگہی فراہم کرنے کے لئے جلسے ،جلوس، کانفرنسیں اور ریلیاں منعقد کریں ۔انھوں نے کہا کہ آج اس دن کی اہمیت اور بھی بڑھ جاتی ہے کیونکہ اسلام دشمن طاغوتی قوتیں عقیدہ ختم نبوت ﷺ پر نقب لگانے کےلئے نت نئے حربے اور سازشیں کررہی ہیں، ایسے وقت میں قوم کو بیدار کرنے کی اشد ضرورت ہے تاکہ وہ عقیدہ ختم نبوت ﷺ کے تحفظ کے لئے کسی قربانی سے دریغ نہ کرنے کا عزم کرے اور استعماری قوتوں کے سازشوں کو اپنے جذبہ عشق رسول ﷺ سے ناکام بنادیں ۔
اوباڑو:صوبائی وزیر سوشل ویلفیئر و وومن ڈیولپمنٹ روبینہ قائم خانی کا سیلاب سے متاثرہ علاقوں کا دورہ
اوباڑو: محکمہ سوشل ویلفیئر کے جو افسران غفلت کا مرتکب ہو ںگے ا ن کے خلاف کارروائی ہوگی ۔ محکمہ سوشل ویلفیئر عوام کی فلاح و بہبود کے لئے ہے اس میں جو افسران اپنے فرائض میں کوتاہی کریں گے ان کے خلاف سخت کارروائی ہوگی، اس سلسلے میں کچھ افسران کو ہٹایاجا چکا ہے ،ان خیالات کا اظہار سوشل ویلفیئر، وومین ڈیولپمنٹ اور اسپیشل ایجوکیشن سندھ کی صوبائی وزیر روبینہ سعادت قائمخانی نے سرکٹ ہاﺅس گھوٹکی میں میڈیا سے گفتگو کے دوران کیا۔ اس موقع پر انھوں نے کہا کہ گھوٹکی آنے کا مقصد سیلاب سے متاثرہ علاقوں کا دورہ کر کے متاثرین کے مسائل معلوم کرنا ہے تاکہ ان کے مسائل کو حل کیا جاسکے، حکومت سندھ کی طرف سے سیلاب متاثرین کی بھرپور مدد کی جارہی ہے، متاثرین کو راشن اور مچھردانیوں سمت میڈیکل کیمپ بھی فراہم کیے گئے ہیںاس کے باوجود وہ خود متاثرین سے ملنے اور ان کے مسائل پوچھنے آئی ہے جو کہ ان کا فرض ہے۔ انھوں نے کہا کہ سندھ کے لوگ باہمت ہیں جنھوں نے ہمیشہ مشکل وقت کا بہادری کے ساتھ مقابلہ کیا ہے ۔ صوبائی وزیر نے مزید کہا کہ حکومت سندھ متاثرین تک شفاف طریقے سے امداد پہنچا رہی ہے ،این جو اوز کو بھی چاہیے کہ وہ سچائی و ایمانداری سے متاثرین کی خدمت کریں اور کارکردگی کے حوالے سے اپنی رپورٹ فراہم کریں بصورت دیگر ان کے خلاف کارروائی کی جائے گی۔ بعد ازاں انہوں نے شینک بند کا دورہ کرکے متاثرین سے مسائل معلوم کیے اور انہیں یقین دہانی کرائی کہ ان کے مسائل کابینہ کے اجلاس میں پیش کیے جائیں گے تا کہ ان مسائل کو حل کیا جاسکے۔ انھوں نے کہا کہ پےپلزپارٹی نے پانچ سال تک مفاہمتی پالےسی کے تحت اےم کےو اےم ، جے ےو آئی ، اے اےن پی کو ساتھ لےکر چلے اور نواز شرےف تمام جماعتوں کو کس طرح لےکر چلتے ہےں ےہ ان کی سےاست ہے اس موقع پر انہوں نے اعلان کیا کے وہ اپنے صوابدیدی فنڈ سے ڈےڑھ لاکھ روپے مالےت کی میڈیسن گھوٹکی کے سیلاب متاثرین کو فراہم کریں گی بعد میں انہوں نے متاثرین میں مچھردانیاں اور بچوں میں تحائف تقسیم کئے۔
میرپورخاص:ایف آئی اے اور سوئی سدرن گیس کا سی این جی پمپ پر چھاپہ
میرپور خاص (پی پی آئی) ایف آئی اے اور سوئی سدرن گیس کمپنی نے گیس چوری کرنے والے سی این جی پمپ پر چھاپہ مارا ، سی این جی پمپ سیل کر دیا گیا ۔تفصیلات کے مطابق میرپورخاص حیدر آباد روڈ بس ٹرمینل کے قریب واقع کرسٹل سی این جی پمپ پر ایف آئی اے اور سوئی سدرن گیس کی ٹیم نے مشترکہ چھاپہ ما رکر گیس چوری کرنے کے الزام میں پمپ کو سیل کر دیا ۔ سوئی سدرن گیس کمپنی کے زونل منیجر کبیر علی لغاری نے پی پی آئی کو بتایا کہ مذکورہ سی این جی اسٹیشن نے ایک کمپریسر کی منظوری لے رکھی تھی جب کہ دوسرا کمپریسر غیر قانونی طور پر لگایا گیا تھا جس سے ماہانہ لاکھوں روپے کی گیس چوری کی جارہی تھی،گیس چوری کی اطلاع کمپنی نے ایف آئی اے کو دی جس پر ایف آئی اے کی ایک ٹیم نے انسپکٹر حبدار علی زرداری کی قیادت میں مذکورہ پمپ پر چھاپہ مار کر اسے سیل کر دیا جب کہ سی این جی پمپ کے مالک کے خلاف مزید کاروائی شروع کر دی گئی۔
ڈی آر ایس نے امپائرز پر اعتماد کو ختم کردیا ہے : انضمام الحق
لاہور:پاکستانی کرکٹ ٹیم کے سابق کپتان انضمام الحق کا کہنا ہے اگر ڈی آر ایس مکمل ٹیکنالوجی کے بغیر استعمال نہیں ہو سکتا تو اسے ختم کردینا ہی بہتر ہوگا کیونکہ ڈی آر ایس نے امپائرز کا اعتماد بکھیر کر رکھ دیا ہے۔انضمام الحق نے ایک انٹرویو میں کہا کہ آئی سی سی نے امپائرنگ کو غیرمتنازع بنانے کے لیے ڈیسیشن ریویو سسٹم ( ڈی آر ایس ) متعارف کرایا تھا لیکن سو فیصد ٹیکنالوجی کے بغیر یہ سسٹم مکمل نتائج دینے میں ناکام رہا ہے لہذٰا بہتر یہی ہے کہ اسے موجودہ حالت میں استعمال کرنے کے بجائے ختم ہی کر دیا جائے۔ون ڈے میں پاکستان کی جانب سے سب سے زیادہ رنز بنانے والےانضمام الحق نے حالیہ ایشیز کی مثال دیتے ہوئے کہا کہ ہاٹ سپاٹ کے کام نہ کرنے کے سبب متعدد فیصلے متنازع بن گئے اور امپائرز کو غیرضروری طور پر تنقید کا سامنا کرنا پڑا۔انھوں نے کہا کہ آئی سی سی ڈی آر ایس کے ذریعے درست فیصلے سامنے لانا چاہتی ہے لیکن مضحکہ خیزبات یہ ہے کہ ہر ٹیم کو صرف دو ریفرل کی اجازت دی گئی ہے۔ سوال یہ پیدا ہوتا ہے کہ دو ریفرل استعمال کرنے کے بعد اگر کسی ٹیم کو صحیح فیصلے کے لیے تھرڈ امپائر کی ضرورت پڑتی ہے اور اس کے پاس ریفرل نہیں بچا ہے تو وہ کیا کرے ؟انضمام الحق کا کہنا تھا کہ ٹیکنالوجی کے استعمال نے امپائرز کو زبردست دباو¿ میں مبتلا کر دیا ہے اور وہ فیصلے دیتے ہوئے ڈرنے لگے ہیں کہ اگر ٹیکنالوجی نے ان کا فیصلہ غلط قرار دے دیا تو ہزاروں تماشائیوں کے سامنے ان کی سبکی ہو جائے گی