لندن: روس کی ٹینس اسٹار ماریا شراپوا نے مطالبہ کیا ہے کہ گرینڈ سلم میں ویمنز کی طرح مینز کے مقابلے بھی 3 سیٹس پر مشتمل ہونے چاہیں۔ 5 سیٹس میں جسم کا توازن برقرار رکھنا مشکل ہوتا ہے۔ ان کے خیال میں مرد حضرات تھری سیٹس میں بھی بہتری کارکردگی کا مظاہرہ کر سکتے ہیں۔ ٹینس کوئن ماریا شراپوا نے مینز گرینڈ سلم کے لئے تین سیٹس پر مشتمل میچ کا مطالبہ کر دیا جبکہ وملبڈن چیمپئن اینڈی مرے روسی کھلاڑی شراپووا کی بات سے اتفاق نہیں کرتے۔ عالمی نمبر 5 روسی ٹینس سٹار ماریا شراپوا کا کہنا ہے کہ گرینڈ سلم میں وویمنز کی طرح مینز کے بھی مقابلے تین سیٹس پر مشتمل ہونے چاہیں کیونکہ پانچ سیٹس میں جسم کا توازن برقرار رکھنا مشکل ہوتا ہے۔ ان کے خیال میں مرد حضرات تھری سیٹس میں بھی بہتری کارکردگی کا مظاہرہ کر سکتے ہیں۔ دوسری جانب برطانوی ٹینس سٹار اینڈی مرے کا کہنا ہے کہ مرد حضرات ٹینس کے سب سے بڑے میگا ایونٹ ہوتے ہیں اور ان کو پانچوں سینٹ میں کھیلنا زیادہ موزوں ہے کیونکہ میچ میں صرف ان کی جسمانی کارکردگی کا امتحان ہی نہیں ہوتا بلکہ ان کی ذہنی صلاحیتوں کا بھی امتحان ہوتا ہے۔ انھوں نے کہا کہ مردوں کے لیے پانچ سیٹس پرمشتمل میچز زبرست ہیں اور ان پانچ سیٹس میں کھلاڑیوں کو اپنی کارکردگی بہتر بنانے کا موقع ملتا ہے۔

جو ہانسبرگ: آسٹریلوی کرکٹ ٹیم کے ہیڈ کوچ ڈیرن لہمن نے کہا ہے کہ جنوبی افریقی کھلاڑی بہت سست ہیں ۔ ڈیرن لہمن کا کہنا تھاکہ ہمارے کھلاڑی ہار کے خوف سے بالا تر ہو کر لھیلتے ہیںجبکہ افریقی ٹیم ہار کے خوف سے باہر نہیں آ سکی جس کا نتیجہ انھیںسیریز میں ناکا می کی صورت میں اٹھا نا پڑا ۔ ان کا مزید کہنا تھا کہ آخری میچ میں جنوبی افریقی ٹیم دو رنز پر اوور کی اوسط سے اسکو ر کر رہی تھی جبکہ ان کے سامنے 511رنز کا پہاڑ کھڑا تھا لیکن وہ میچ کو ڈرا کر نے کے لیے کھیل رہے تھے ۔لہمن نے کہا کہ کر کٹ میں جارہانہ پن آسٹریلوی کلچر کا حصہ جس کے باعث تماشائیوں کی ایک بڑی تعداد گراﺅنڈ کا رخ کرتی ہے، ہمارے کھلاڑی ہار سے نہیں ڈرتے بلکہ صحیح معنوں میں اچھی کر کٹ کے ذریعے لو گوں کو تفریح فراہم کر تے ہیں۔ لہمن نے کہا کہ ہم ٹیسٹ سیریز کو کرکٹ برانڈ کے طور پر کھیل رہے تھے اور جس انداز سے ہم کھیل رہے تھے اس کا نتیجہ جیت ہی تھا، ا ن کا کہنا تھا کہ یہ ہر ٹیم کی مرضی پر منحصر ہے کہ وہ آسان اور سست وکٹ پر کھیلنا چاہےں اور میچ کو مزید سست بنادیں۔

لندن (پی پی آئی )برطانوی جامعہ کی ایک نئی تحقیق کے مطابق کر کٹ میںشاندار کھیل کے بجائے گراﺅنڈ میں موجودتماشائیوں کی تعداد ہی ٹیم کی مضبوطی کو ثا بت کرتی ہے۔ نئی تحقیق میںمضبوط ٹیم کی پرانی تعریف کو یکسر مسترد کر تے ہو ئے کہاگیا ہے کہ کسی بھی ٹیم کو مضبوط اور بڑی ٹیم کہلانے کا تعلق اچھے کھیل سے نہیں ہے بلکہ تماشائیوں کی بڑی تعداد میں مو جو دگی ہی کسی بھی ٹیم کے لیے بڑی ہونے کی علامت ہے ۔ یونیورسٹی آف شیفل شیلڈ کے تعاون سے نو ٹنگھم یونیورسٹی بزنس اسکول کے محقیقین نے 1980سے 2012کے دوران انگلینڈ ، آسٹریلیا اور نیوزی لینڈ میں کھیلے گئے چار سو میچوں کا تحقیقی تجزیہ کیا ۔ محقیقین کا کہنا ہے کہ درجہ بندی کے لیے استعمال ہونے والے انٹر نیشنل کرکٹ کونسل کے طریقہ کار کے مطابق ملک سے باہر میچ کھیلنے والی ٹیم کو پانچ سو تماشائیوں کی موجو دگی پر دس اضافی پوائینٹس دیے جاتے ہیں جبکہ ہوم گراﺅنڈ میں کھیلنے والی ٹیم کو 1400تماشایو ں کی بنیاد پر دس اضافی پوائینٹس دیے جاتے ہیں۔ اس تحقیق کے ایک تجزیہ کا ر کا کہنا ہے کہ تماشائی اپنے پسندیدہ کھلاڑیوں کو میچ میں دیکھنا چاہتے ہیں میچ کا نتیجہ جو بھی ہوجبکہ ہوم ٹیم کے لیے تماشائیوں کی دلچسپی بہت زیا دہ ہو جا تی ہے ۔دوسری جانب ملک سے باہر کھیلنے والی ٹیم کے تماشائی ا س وقت اچھے مقا بلے کی توقع رکھتے ہیںکہ جب ان کی پسندیدہ ٹیم ہار نے کی پو زیشن میں ہو ۔

جو ہانسبرگ: جنوبی افریقی کرکٹ ٹیم کے سابق کھلاڑی و کوچ گیری کرسٹن نے کہا ہے کہ گرایم اسمتھ ٹیسٹ کر کٹ کے عظیم کپتان ہیں۔ گرایم اسمتھ کی کرکٹ سے ریٹائر منٹ پر سابق کوچ کا کہنا تھاکہ اگر مجھے سے کوئی یہ سوال پوچھے کہ ٹیسٹ کر کٹ میں سب سے اچھا کپتان کو ن ہے تو میرا جواب گرایم اسمتھ ہو گا۔ گیری کرسٹن کا کہنا تھا کہ اسمتھ نے جنوبی افریقی ٹیم کو کا میابیوں کی بلندیوں پر پہنچا یا اور میرا نہیںخیال کہ کسی اور نے اس قدر لمبے عرصے تک کامیاب کپتانی کی ہو۔ گریم اسمتھ پہلے کھلاڑی ہیں جنھوںنے اپنے کیرئر کے پہلے آٹھ میچوں کے سوا اپنے 117میچوں میں کپتانی کے فرائض انجام دیے ۔ دوسرے نمبر پرآسٹریلیا کے ایلن بارڈرہیں جنھوںنے 93میچوں میں کپتانی کے فرائض سرانجام دیے۔

نئی دہلی: کرکٹ عالمی کپ 2015ءکے سفیر بریٹ لی نے نئی دہلی میں آئی سی سی ورلڈ کپ ٹرافی کی رونمائی کی، اس موقع پر بیٹ لی نے کہا کہ ٹیم سیمی فائنل یا فائنل تک پہنچ سکتی ہے جس کے پاس برق رفتارباﺅلر ہوں گے۔ورلڈ کپ 2015ءکی ٹرافی کی رونمائی کی تقریب نئی دہلی میں ہوئی،ورلڈ کپ کے سفیر بریٹ لی نے ٹرافی کی رونمائی کی، اس موقع پر اظہار خیال کرتے ہوئے بریٹ لی کا کہنا تھا کہ آسٹریلیا کے فاسٹ ٹریک پر وہی ٹیم فائنل یا سیمی فائنل تک پہنچ پائے گی جس کے پاس 140 کلو میٹر فی گھنٹہ کی رفتار والے بولرز ہوں گے۔بریٹ لی کا کہنا تھا کہ آئی پی ایل جیسے ٹورنامنٹ سے نہ صرف اچھی انٹرٹینمنٹ دیکھنے کو ملتی ہے بلکہ کھلاڑیوں کی صلاحیتیں بھی نکھر کر سامنے آتی ہیں۔