اسلام آباد (پی پی آئی)سابق وزیراعلیٰ پنجاب اور تحریک انصاف کے صدر چودھری پرویز الٰہی اڈیالہ جیل میں چیئرمین پی ٹی آئی سے رابطے کے سوال پر کھل کر بول پڑے۔پی پی آئی کے مطابق جوڈیشل کمپلیکس پیشی پر صحافی نے سوال کیا ”سنا ہے کہ آپکے ساتھ خان صاحب کی اڈیالہ میں کوئی پیغام رسانی ہوئی ہے،ٹکٹوں کی تقسیم کے حوالے سے تجاویز مانگی ہیں،جس پر پرویز الٰہی نے انکار کرتے ہوئے کہاکہ نہیں ایسا تو کچھ نہیں ہوا۔
کراچی (پی پی آئی)جماعتِ اسلامی اور پی ٹی آئی نے مرتضیٰ وہاب کے کاغذاتِ نامزدگی چیلنج کردیئے۔میئر کراچی کے ضلع کیماڑی سے کاغذات نامزدگی کو سٹی کورٹ الیکشن ٹریبونل غربی میں چیلنج کیا گیا ہے۔پی پی آئی کے مطابق یو سی 3 ماڑی پور سے جماعت اسلامی کے امیدوار برائے چیئرمین محمد حسین نے درخواست دائر کی جس میں مؤقف اپنایا گیا ہے کہ مرتضیٰ وہاب ماڑی پور یو سی 3 کے نہ ووٹر ہیں اور نہ ہی رہائشی۔ ریٹرننگ افسر کی جانب سے مرتضیٰ وہاب کے کاغذات نامزدگی کی منظوری غیر قانونی ہے، سندھ لوکل گورنمنٹ ایکٹ 2013کے مطابق امیدوار کا وارڈ یا کونسل میں رجسٹرڈ ووٹر ہونا ضروری ہے۔درخواست گزار کے وکیل کا کہنا ہے کہ آر او کو اعتراض سے آگاہ کیا لیکن ریٹرننگ افسر نے کارروائی نہیں کی، الیکشن ٹریبونل ریٹرننگ افسر کے غیر قانونی اقدام کو کالعدم قرار دے اور مرتضیٰ وہاب کے کاغذات نامزدگی کو مسترد کیا جائے۔دوسری جانب تحریک انصاف نے بھی مرتضیٰ وہاب کے ضلع کیماڑی سے کاغذات نامزدگی چیلنج کردیئے ہیں۔تحریک انصاف کے یو سی 3 ماڑی پور کے 2 امیدواروں نے الیکشن ٹریبونل سے رجوع کیا ہے۔اس حوالے سے فاران سردار ایڈووکیٹ کا کہنا ہے کہ مرتضیٰ وہاب ضلع کیماڑی سے بلدیاتی انتخابات میں حصہ لینے کے اہل نہیں، بلدیاتی قوانین کے مطابق امیدوار کے لیے متعلقہ کونسل کا رجسٹرڈ ووٹر ہونا لازمی ہے۔ کاغذات نامزدگی کے مطابق ان کا پتہ ضلع جنوبی کا ہے، استدعا ہے کہ مرتضیٰ وہاب کے ضلع کیماڑی سے ضمنی الیکشن کے کاغذات نامزدگی مسترد کیے جائیں۔
اسلام آباد (پی پی آئی) سپریم کورٹنے تحریکِ انصاف کے رہنما اسد قیصر کی ضمانت منسوخی کے لیے دائر اپیل پر سماعت مقرر کر دی۔جسٹس سردار طارق مسعود کی سربراہی میں 2 رکنی بینچ 19 اکتوبر کو صوبائی حکومت کی اپیل پر سماعت کرے گا۔پی پی آئی کے مطابق پی ٹی آئی رہنما اسد قیصر پر 9 مئی کے واقعات میں ملوث ہونے کا مقدمہ درج ہے۔یاد رہے کہ اسد قیصر کی ضمانت منسوخی کے لیے صوبائی حکومت نے اپیل دائر کر رکھی ہے۔
لاہور(پی پی آئی)مسلم لیگ (ن) نے 21 اکتوبر کو مینار پاکستان گراؤنڈ میں جلسے کے لیے باقاعدہ درخواست دیدی، درخواست میں 15 اکتوبر سے 21 اکتوبر تک انتظامات اور جلسے کی اجازت مانگی گئی ہے۔”پی پی آئی کے مطابق سابق وزیراعظم نواز شریف کی وطن واپسی پر مسلم لیگ (ن) کے رہنما بلال یاسین نے 21 اکتوبر کو مینار پاکستان گراؤنڈ میں جلسے کے لیے ڈپٹی کمشنر کو باقاعدہ درخواست دی ہے۔نجبلال یاسین نے کہا کہ ڈپٹی کمشنر نے درخواست موصول کرلی ہے، امید ہے جلد اجازت مل جائے گی۔جلسے سے 2 روز قبل پارٹی کی سینئر قیادت جلسہ گاہ کا دورہ بھی کرے گی، نواز شریف ائیر پورٹ سے بذریعی ہیلی کاپٹر جلسہ گاہ آئیں گے۔
ڈھاکہ: بنگلہ دیش کرکٹ بورڈ نے کرکٹر شکیب الحسن کی سزا میں کمی سے انکار کردیا ۔ بی سی بی نے سری لنکا کے خلاف دوسرے ون میں غیر مہذب اشارے کرنے پر آل راﺅنڈر شکیب الحسن کو تین میچوں کے لئے معطل کرکے جرمانے کی سزا سنائی تھی ۔پابندی کے سبب شکیب االحسن سری لنکا کے خلاف آخری ون ڈے اورایشیا کپ کے پہلے دو میچوںمیں شرکت سے محروم ہیں۔
فتح اللہ: ایشیا کپ کے افتتاحی میچ میں اگرچہ پاکستان ناکام رہا لیکن قومی ٹیم کے کپتان مصباح الحق نے 39سال کی عمر میں زیادہ اسکور کرنے جے سوریا کا ورلڈ ریکارڈ توڑ دیا ۔مصباح نے میچ میں 73رنز کی شاندار اننگز کھیلی تاہم وہ ٹیم کو شکست سے نہ بچاسکے ۔
کولمبو: نائیجیریا کی کرکٹ ٹیم مختصر دورے پر سری لنکا پہنچ گئی ،جہاں وہ سری لنکا اے کے خلاف چار ٹی ٹوئنٹی میچ کھیلے گی ۔سری لنکن کرکٹ بورڈ کے مطابق آئی سی سی کے ایسوسی ایٹ ممبران کی کرکٹ کی بہتری کے لئے سری لنکا نائیجیریا کی میزبانی کررہا ہے ۔بورڈ کا کہنا ہے کہ تین ماہ قبل کینیا کی ٹیم نے بھی سری لنکا کادورہ کیا تھا جس میں اس نے سری لنکا اے ٹیم کے خلاف 7ٹی ٹوئنٹی میچ کھیلے تھے ۔
ریو ڈی جنیرو: برازیل کے سابق مایہ ناز فٹبالر رونالڈو ٹینس کے کھیل میں دلچسپی لینے لگے ۔رونالڈو نے اپنے دوستوں کے ہمراہ اسپین کے رافیل نڈال اور الیگزینڈر دولگوپولوف کے مابین ریواوپن کا فائنل میچ دیکھا اور دونوں کھلاڑیوں کو شاندار کھیل پر بھرپور داد دی ۔
لاہور: سابق ٹیسٹ کرکٹر راشد لطیف کو قومی کرکٹ ٹیم کا چیف سلیکٹر مقرر کر دیا گیا۔ پاکستان کرکٹ بورڈ کے چیئرمین نجم سیٹھی کو سخت تنقید کا نشانہ بنانیوالے ایک اور کھلاڑی کو نواز دیا گیا۔ بورڈ نے راشد لطیف کو چیف سلیکٹر کے عہدے پر مقرر کیا ہے جبکہ سابق کرکٹر شعیب محمد کو ٹیم کا فیلڈنگ کوچ مقرر کیا گیا ہے۔ ذرائع کے مطابق پی سی بی کو مسلسل تنقید کا نشانہ بنانیوالے سابق کھلاڑیوں کو ایک ایک کر کے نواز رہا ہے۔ ذرائع کا کہنا ہے کہ سابق کرکٹر باسط علی کو بھی اہم عہدہ دیئے جانے کا امکان ہے۔ راشد لطیف اس سے پہلے کراچی پورٹ قاسم کی سربراہی کر رہے تھے۔ کرکٹ تاریخ میں پہلی بار کسی ادارے سے تبادلہ کر کے کسی کو چیف سلیکٹر بنایا گیا ہے۔ راشد لطیف یکم اپریل سے اپنی ذمہ داریاں سنبھالیں گے۔
بیونس آئرس: ارجنٹائن کے شہرہ آفاق سابق فٹبالر ڈیگو میراڈونا نے فیفا ورلڈ کپ کے دوران میچوں پر تبصروں کے لئے امریکی ٹی وی چینل ٹیلی سار سے معاہدہ کرلیا ۔ میراڈونا 1994اور 2006کے میگا ایونٹ کے دوران بھی میچوں کی کمنٹری کرچکے ہیں ۔ اس موقع پر میراڈونا کا کہنا تھا کہ انہوں نے اپنے کیرئیر کاسب سے پرکشش معاہدہ کیا ہے ۔
