حیدرآباد: جما عت اسلامی بجلی اور پٹرول کی قیمتوں میں اضا فے کے خلاف جمعے کو سندھ بھر میںیوم احتجاج منائے گی ۔ جماعت اسلامی حےدرآبادکے اعلامیہ کے مطابق امیرجماعت اسلامی سندھ ڈاکٹرمعراج الہدیٰ صدیقی کی اپیل پر جمعہ اکتوبرکوسندھ بھر مےں بجلی اور پیٹرول کی قیمتوں مےںا ضافے کے خلاف یوم احتجاج منایاجائے گا۔حےدرآبادمےں نمازجمعہ کے فوراًبعدجامع مسجداورنگزیب گاڑی کھاتہ چوک پرضلعی امیر شیخ شوکت علی کی قیادت میں احتجاجی مظاہرہ کیاجائے گا۔علاوہ ازیں شےخ شوکت علی نے کہاہے کہ حکومت کوکسی صورت عوامی حقوق پر ڈاکہ ڈالنے نہیں دینگے پیٹرول اور بجلی کی قیمتوں مےں باربازاضافے نے صورت حال سنگین بنادی گئی ہے ہرشخص مہنگائی سے پریشان ہے ۔حکومت نے بجلی اور پیٹرول کی قیمتوں مےں اضافہ واپس نہ لیاگیاشدیدردعمل کاسامناکرناپڑے گاحکومتی بدمعاشی کے خلاف جمعہ کوبھرپورعوامی مظاہرہ کرےںگے۔

حیدرآباد: جمعیت علما پاکستان کے صدر ڈاکٹر ابوالخیر زبیر نے کہا ہے کہ ملی یکجہتی کو نسل کابھر تعاو ن کریںگے۔ جمعیت علماءپاکستان کے صدر ڈاکٹر صاحبزادہ ابوالخیر محمد زبیر سے ملی یکجہتی کونسل کے وفد نے ملاقات کی اور انھیں ملی یکجہتی کونسل میں شمولیت کی دعوت دی۔ وفد میں ملی یکجہتی کونسل کے رہنماآصف لقمان قاضی،حافظ عاکف سعید،مولانا عبدالمالک،ثاقب اکبر اور پیر علی محمد شامل تھے، صاحبزادہ ابوالخیر محمد زبیرنے ملی یکجہتی کونسل کے وفد سے گفتگو کرتے ہوئے کہا کہ قائداہلسنت علامہ شاہ احمد نورانی صدیقی نے دیگر مسالک کے قائدین واکابرین کے ساتھ مل کر ملی یکجہتی کونسل جن حالات میں بنائی تھی اب حالات اس سے بھی بدتر ہیں دشمنان اسلام کی سازشیں عروج پر ہیںفرقہ واریت کی آگ کو ہوا دی جارہی ہے ،مصر وشام میں اس آگ کو بھڑکایا جاچکا ہے اور اسکی تپش یہاں محسوس کی جارہی ہے یہ حالات تقاضہ کرتے ہیں کہ ملی یکجہتی کونسل کا احیاءہو اور اس پلیٹ فارم سے اتحاد امت کے لئے بھرپور کوشش کی جائے جمعیت علماءپاکستان اس میں مکمل تعاون کرے گی۔

کراچی: صوبائی وزیر اطلاعات شرجیل انعام میمن نے کہا ہے کہ وزیر اعلیٰ سندھ سید قائم علی شاہ کی ہدایت پر بلوچستان کے ضلع آواران کے زلزلہ متاثرین کیلئے صوبائی ڈیزاسٹرمینجمنٹ اتھارٹی سندھ کی جانب سے آج مزید 1300خیمے روانہ کردیئے گئے ۔صوبائی وزیر نے مزید کہاکے اس سے پہلے 1200خیمے اور 295کاٹن ادویات پر مشتمل 11ٹرک کا امدادی سامان بھی بھیجا جا چکا ہے ۔انھوں نے اپیل کی پی ڈی ایم اے سندھ کی جانب سے کلفٹن تین تلوار پرقائم ریلیف کلیکشن کیمپ میں بلوچستان کے زلزلہ متاثرین کے لئے دل کھول کر امدادی سامان جمع کرائیں ۔

کراچی: صوبائی وزیر صنعت و اطلاعات شرجیل انعام میمن نے کہا ہے کہ چھوٹی صنعتوں کو فعال بنانے کے لئے محکمہ انڈسٹریز سندھ حکومت کے تعاون سے ٹیکنیکل اور لاجسٹک سپورٹ کام میں لاتے ہوئے گھریلوپیمانہ پر چھوٹی صنعتوں کو فروغ دینے کے لئے حکمت عملی مرتب کررہا ہے ۔ اسمال انڈسٹریز ڈیپارٹمنٹ کے افسران کے اجلاس کی صدارت کرتے ہوئے صوبائی وزیر نے کہا کہ پلاسٹک مولڈنگ ‘ہوزری ‘الیکڑانک کارڈز کی گھریلو پیمانہ پر تیاری مائکرواکنامکس کے جدلیاتی اصولوں کے تحت معاشی پیمانوں میں تبدیلی آسکتی ہے ۔ بشرطیکہ گھر یلو صنعتوں کا قیام اور منصوبہ بندی سائنسی بنیادوں پر کی جائے ۔ انھوں نے افسران کو ہدایات دیں کہ ووکیشنل تعلیمی اداروںسے فارغ التحصیل طلباءو طالبات کے لئے اخبارات میں اشتہارات دیئے جائیں اور ان چھوٹی صنعتوں کے قیام کے بارے میں مفصل آگاہی دی جائے ۔ صوبائی وزیر نے کہا کہ بہت جلد کم لاگت سے قائم ہونے والی چھوٹی صنعتوں کے بارے میں تیکنیکی معاونت عوام کو دی جائے گی جس میں سرفہرست نوجوانوں کو ترجیح دی جائے گی اور اسمال انڈسٹریز کے افسران ٹیم کی شکل میں ریسرچ ورک کو مکمل کرکے عوام کے سامنے پیش کریں گے ۔مزید براں صوبائی وزیر نے افسران کو ہدایات دیں کہ پابندی وقت اور فرض شناسی کو اپنا شعار بنائیں اور عوام کی خدمت کو فرض سمجھتے ہوئے اپنی خدمات اور صلاحتییوں سے عوام کو مستفید کریں ۔ اجلاس میں محکمہ اسمال انڈسٹریز کے تمام افسران نے شرکت کی ۔

جام شورو: مہران یونیورسٹی ٹیچرز ایسو سی ایشن (میوٹا) کی جنرل باڈی کا اجلاس مہران یونیورسٹی جامشورو کے مخدوم داﺅد ہال میں منعقدہوا۔اجلاس کی صدارت میوٹا کے صدر پروفیسر احسان میمن نے کی ،اس موقع پر جنرل سیکریٹری پروفیسر ارشد علی میمن نے خطاب کرتے ہوئے کہا کہ مہران یونیورسٹی جامشورو اس وقت ملک کی چوتھے نمبر اور صوبہ سندھ میں میں پہلے نمبر پر ہے جس کا سہرا اساتذہ کی لازوال محنت کو جاتا ہےاجلاس کے دوران قرارداد پیش کی گئی کہ موجودہ اسمبلی ایکٹ میں ترامیم کے بعد وائس چانسلر اور پرووائس چانسلر کے عہدوں پر کسی نان اکیڈمک شخص کی تقرری کو برداشت نہیں کیا جائے گا۔ اجلاس میں سندھ کے وزیر اعلیٰ اور چیف ایگزیکیٹو سے مطالبہ کیا گیا کہ صوبہ کی اول نمبر یونیورسٹی میں جاری مالی خسارے کو ختم کرنے کے لئے ہنگامی طور پر فنڈ مہیا کئے جائیں جبکہ وزیر اعلیٰ سے یہ بھی مطالبہ کیا گیا کہ سندھ کی تمام یونیورسٹیوں میں امن امان کی صورتحال پر قابو پانے کے لئے مطلوبہ ضروری اقدامات بروئے کار لائے جائیں تاکہ پر امن اور صحت مند ماحول میں درس اور تدریس کا عمل ممکن ہو سکے۔ اجلاس کے دوران فاپواسا کی جانب سے کئے گئے فیصلوں کے تحت یونیورسٹیوں کے اسمبلی ایکٹ ترامیم کے متعلق اساتذہ کو آگاہ کیا گیا اور یہ عزم کیا گیا کہ یونیورسٹی کی ترقی اور بہتر تعلیمی ماحول کے لئے ہر ممکن کوشش کی جائے گی۔