لاہور (پی پی آئی) تحریک انصاف کے رہنما علی محمد خان نے چیئرمین عمران خان سے غلطیاں سرزد ہونے کا اعتراف کر لیا تو اسٹیبلشمنٹ اور نگران وزیرعظم کو بھی مشورے دیئے۔ سابق وفاقی وزیر علی محمد خان کا کہنا ہے کہ پرویز خٹک کو کہنا چاہوں گا کہ جدائی میں بھی وقار ہونا چاہئے، خیبرپختونخوا کی لیڈر شپ سے پہلا اعتراض احتساب کمیشن کے بند ہو نے پر کیا تھا، تحریک انصاف کو آگے بڑھنا ہو گا، ہمیں انداز ہے ہم سے غلطیاں ہوئی ہیں۔انہوں نے اسٹیبلشمنٹ کو مشورہ دیا کہ وہ اور سیاسی قیادت اگر مل کر بیٹھیں تو مسائل کا کچھ حل نکل آئے گا۔ انہوں نے کہا کہ جن لوگوں نے 9 مئی کیا، ان کی اکثریت تو جیل میں ہے۔ اسد عمر کے پارٹی عہدہ چھوڑنے کا دکھ ہوا تاہم وہ ابھی بھی ہماری پارٹی میں ہیں۔ ملک کو سیاسی انتقام کی بجائے سیاسی استحکام کی ضرورت ہے۔ چیئرمین پی ٹی آئی سے غلطیاں ہوئی ہیں جس کا انہیں احساس ہے۔علی محمد خان نے نگران وزیراعظم انوارالحق کاکڑ کو مشورہ دیا کہ انہیں متنازع بیانات سے دور رہنا چاہئے، نگران سیٹ اپ کا کام صاف و شفاف انتخابات کروانا ہے۔ کہا کہ مجھے 7 مرتبہ گرفتار کیا گیا جبکہ اڈیالہ میں مجھے ڈیتھ سیل میں رکھا گیا۔

 اسلام آباد (پی پی آئی)احتساب عدالت نے جعلی بینک اکاو?نٹس اور توشہ خانہ کیس میں سابق صدر ا?صف زرداری اور سابق وزیراعظم یوسف رضا گیلانی کو 24اکتوبر کو طلب کرلیا۔ پی پی آئی کے مطابق جعلی بینک اکاونٹس کیس اور توشہ خانہ کیس میں اہم  پیشرفت ہوئی ہے،سابق صدر آصف زرداری کو جعلی بینک اکاونٹس کیس میں طلب کر لیاگیا جبکہ توشہ خانہ کیس میں آصف زرداری اور یوسف رضا گیلانی کو طلب کیا گیا  ہے، احتساب عدالت نے کہا کہ آصف زرداری اور یوسف گیلانی 24اکتوبر کو ذاتی حیثیت میں پیش ہوں۔

نئی دہلی (پی پی آئی) بھارتی وزیراعظم نریندرا مودی نے عیدمیلاد النبی ﷺ کے موقع پر مسلمانوں کو مبارک باد دی ہے جسے انڈیا کے مسلم رہنماؤں،سکھوں  اوردلت اقوام نے بغل میں چھری اور منہ پہ رام رام قرار دیا ہے اور کہا ہے کہ بھارتی وزیراعظم مودی ایک جانب مسلمانوں پر ظلم پر ظلم ڈھا رہے ہیں، ہندو انتہا پسندوں کو بھارتی مسلمانوں پر حملوں کی کھلی چھوٹ دے رکھی ہے تو دوسری جانب عیدمیلاد النبی? پر مسلمانوں کو مبارک باد بھی دے رہے ہیں۔پی پی آئی کے مطابق آل انڈیا مجلسِ اتحاد المسلمین کے سربراہ اسد الدین اویسی نے مودی  حکومت کو شدید تنقید کا نشانہ بنایا، ان کا کہنا تھا کہ وہ وقت دور نہیں جب پارلیمنٹ میں مسلم اراکین کو پیٹ پیٹ کر قتل کر دیا جائے گا۔سماجی رابطے کی ویب سائٹ ایکس (سابقہ ٹویٹر) پر بھارتی وزیراعظم کا کہنا تھا کہ عیدمیلاد النبی ﷺ مبارک ہو، میری دعا ہے کہ ملک میں بھائی چارے اور پیار و یگانگت کی فضا پھلے پھولے، ہر شخص خوش اور صحت مند رہے، عید مبارک۔

مدینہ منورہ(پی پی آئی)نگران وزیر اعظم انوارالحق کاکڑ نے مسجد نبوی میں روضہ رسولﷺ پر حاضری دی اور ریاض الجنہ میں نوافل ادا کئے۔پی پی آئی کے مطابق اس موقع پر نبی کریمﷺ کے حضور درود و سلام پیش کیا اور ملک و قوم کی ترقی اور خوشحالی کیلئے خصوصی دعا کی۔ جبکہ دورے کے دوران سعودی عرب میں اعلیٰ حکام سے ملاقاتیں بھی ہوں گی۔۔