حکومت سنجیدگی کا مظاہرہ کرتے ہوئے عام انتخابات پر رضامندی ظاہر کر دے: فواد چوہدری

اسلام آ باد(پی پی آ ئی) پی ٹی آئی رہنما فواد چوہدری نے کہا ہے کہ حکومت سنجیدگی کا مظاہرہ کرتے ہوئے عام انتخابات پر رضامندی ظاہر کر دے۔ سماجی را بطے کی ویب سائٹ ٹوئٹر پر اپنے پیغام میں فواد چوہدری نے کہا ہے کہ اداروں کو سیاسی فیصلوں کا حصہ نہ بنایا جائے،سیاسی جماعتیں فریم ورک خود طے کریں عوام کو اسٹیک ہولڈر تسلیم کیا جائے اورحکمران عوام کیلئے فیصلوں کو حتمی مانیں، ملک نے آگے بڑھنا ہے تو جمہوریت بحال کرنا ہو گی۔