قبل از وقت انتخاب گھیراؤ جلاؤ کی بنیاد پرنہیں ہو سکتے: سعد رفیق

اسلام آ باد(پی پی آ ئی) وفاقی ویزر ریلوے خوا جہ سعد رفیق نے کہا ہے کہ قبل از وقت انتخاب گھیراؤ جلاؤ کی بنیاد پرنہیں ہو سکتے،قبل از وقت انتخابات کیلئے ٹھوس دلائل درکارہیں جو دھرنوں میں نہیں مذاکرات کی میز پردیے جاتے ہیں۔ اپنے ایک بیان میں لیگی رہنما خوا جہ سعد رفیق نے پی ٹی آئی کی جا نب سے قبل از انتخابات پر رد عمل دیتے ہو ئے کہا کہ پیشگی شرائط رکھ کرمذاکرات نہیں ہو تے بات چیت ہو ئی تو تمام امور پر ہو گی،غداری کے جھوٹے الزامات، ننگی گالیاں اور دھمکیاں ماحول کو خراب کرتی ہیں اور کچھ نہیں۔ سعد رفیق نے کہا کہ مکافات ِعمل کی چکی چل رہی ہے،سازشی اپنے منطقی انجام تک پہنچیں گے۔جھوٹ ناانصافی نفرت انگیزی اور سازشیں بے نقاب ہو گی۔قائدجمہوریت میاں نواز شریف کی باعزت وطن واپسی دْورکی بات نہیں،انکیساتھ کی جانیوالی ناانصافیوں غیرقانونی فیصلوں اورمظالم کے ازالے کا وقت قریب ہے۔