آزاد کشمیر بلدیاتی انتخاب میں تحریک انصاف 33 نشستوں کیساتھ سرفہرست پی پی 23، ن لیگ10 اور 05 آزاد امیدوار کامیاب، ٹرن آؤٹ 60 فیصد

مظفر اباد – آزاد کشمیر میں 31 سال بعد بلدیاتی انتخابات کے نتائج کا سلسلہ جاری ہے۔ اب تک کے نتائج کے مطابق تحریک انصاف پہلے، پیپلزپارٹی دوسرے اور مسلم لیگ ن تیسرے نمبر پر ہے۔ آزاد کشمیر کے تین اضلاع میں بلدیاتی انتخابات کے اب تک کے غیر حتمی غیر سرکاری نتائج کے مطابق تحریک انصاف 33 نشستوں کے ساتھ سرفہرست ہے۔ پیپلز پارٹی 23، مسلم لیگ ن 10 اور 05 آزاد امیدوار کامیاب قرار پائے ہیں۔مظفرآبادڈویڑن کے 3 اضلاع نیلم، جہلم ویلی اور مظفرآباد میں ٹرن آؤٹ 60 فیصد رہا۔پی پی آئی کے مطابق مظفرآبادڈویژن کے 3 اضلاع نیلم، جہلم ویلی اور مظفرآباد میں 614 بلدیاتی نشستوں پر 2 ہزار 725 امید وار میدان میں اترے،پی پی آئی کے مطابق مسلم کانفرنس، تحریک لبیک اور جماعت اسلامی نے بھی انتخابات میں حصہ لیا۔