کوئٹہ، بلیلی روڈ پر دھماکہ وزیر دا خلہ رانا ثنااللہ کی مذمت،بلوچستان حکومت سے وقوعہ کی تفصیلی رپورٹ طلب

کوئٹہ/اسلام آ باد(پی پی آ ئی)وفاقی وزیر داخلہ رانا ثنااللہ نے کو ئٹہ کے علاقے بلیلی چیک پوسٹ پر دھماکے کی شدید الفاط میں مذمت کرتے ہو ئے بلوچستان حکومت سے وقوعہ کی تفصیلی رپورٹ طلب کر لی ہے۔ وزیر داخلہ رانا ثنا اللہ نے دھماکے سے پولیس اہلکاروں اور بچے کی شہادت پر دکھ اور افسوس کا اظہار کیا ہے اور زخمی پولیس اہلکاروں کی جلد صحتیابی کیلئے دعا کی ہے۔وزیر داخلہ نے کہا کہ دھماکا بظاہرخودکش لگتا ہے،دہشت گردی کا ٹارگٹ پولیس پارٹی تھی۔پولیس شہدا کوخراج عقیدت پیش کرتا ہوں۔ قوم کو ان کی قربانیوں پر فخر ہے۔