نون لیگ اور پیپلز پارٹی الیکشنوں سے بھاگ رہے ہیں: فواد چوہدری

اسلام آ باد(پی پی آ ئی) پی ٹی آئی رہنما فواد چوہدری نے کہا ہے کہ نون لیگ اور پیپلز پارٹی الیکشنوں سے بھاگ رہے ہیں۔ اپنی ٹوئٹ میں فواد چوہدری نے کہا ہے کہ اسلام آباد کے بلدیاتی الیکشن میں جہاں 101 یونین کونسلز پینل کا انتخاب ہونا ہے نون لیگ صرف 30 حلقوں میں امیدوار دے سکی، پیپلز پارٹی کا ایک بھی پینل نہیں مقابلہ تحریک انصاف اور آزاد امیدواروں میں ہے۔نون لیگ اور پیپلز پارٹی الیکشنوں سے بھاگ رہے ہیں کیونکہ ان کی سیاست ختم ہو گئی ہے،۔