ارشد شریف کیس، سپریم کورٹ کے ازخود نوٹس سے کئی چہرے بے نقاب ہوں گے:شیخ رشید

را ولپنڈی(پی پی آ ئی)عوامی مسلم لیگ کے سربراہ اور سابق وفاقی وزیر شیخ رشید نے کہاہے کہ ارشد شریف کیس میں بہت سارے چھپے چہرے بے نقاب ہوں گے۔اپنے ٹو ئٹر پیغام میں شیخ رشیداحمد نے کہا کہ ارشد شریف کیس پر سپریم کورٹ کا ازخود نوٹس قابل تحسین ہے، اس کیس میں بہت سارے چھپے چہرے بے نقاب ہوں گے۔شیخ رشید نے کہا کہ قوم عمران خان پر حملے اور اعظم سواتی کیس میں بھی سپریم کورٹ کی طرف دیکھ رہی ہے۔ 13 فراری پارٹیاں عمران خان کو نااہل کرانے کی بجائے الیکشن کی تیاری کریں۔روس سے تیل کا معاہدہ عوام کے سامنے لایا جائے۔