جنوبی کوریا پاکستان سے مزید افرادی قوت منگوائے گا، مفاہمتی یادداشت پر دستخط

اسلام آ باد(پی پی آ ئی) جنوبی کوریا پاکستان سے مزید افرادی قوت منگوائے گا، مفاہمت کی یادداشت پردستخط کردیئے گئے۔وفاقی وزیر ساجد طوری اور جنوبی کوریا کے سفیر کی دستخط شدہ مفاہمتی یادداشت کے مطابق جنوبی کوریا کو ایمپلائمنٹ پرمٹ اسکیم کے تحت مزید افرادی قوت بھیجی جائے گی۔وفاقی وزیر ساجد طوری کا کہنا ہے اب تک دس ہزار پاکستانی روزگار کے لئے جنوبی کوریا بھیجے جا چکے ہیں۔ پاکستانی پہلے صرف مینوفیکچرنگ سیکٹر میں جنوبی کوریا جاتے تھے لیکن اب زراعت، خدمات، ماہی گیری اور آئی ٹی کے شعبوں میں بھی پاکستانی جاسکیں گے۔ساجد طوری نے مفاہمتی یادداشت کو تاریخی اقدام قرار دیتے ہوئے کہا اس سے جنوبی کوریا اور پاکستان کے تعلقات مزید مضبوط ہوں گے، مزید بتایا کہ دیگر مختلف ممالک میں پاکستانی افرادی قوت بڑھانے کے لییبھی کوششیں جاری ہیں۔