کوئی خوش فہمی میں نہ رہے کہ جے یو آئی کمزور ہوگئی، مولانا فضل الرحمان

کوئٹہ (پی پی آئی)پی ڈی ایم کے سربراہ اور جے یو آئی (ف) کے امیر مولانا فضل الرحمان کا کہنا ہے کہ کوئی خوش فہمی میں نہ رہے کہ جے یو آئی کمزور ہوگئی۔پی پی آئی کے مطابق ورکرز کنونشن سے خطاب کے دوران مولانا فضل الرحمان نے کہا کہ دنیا کی کوئی طاقت جے یو آئی کی صفوں میں دراڑ پیدا نہیں کرسکتی، بڑی اور اہم شخصیات جے یوآئی میں شامل ہورہی ہیں۔پی پی آئی کے مطابق مولانا فضل الرحمان نے کہا کہ اسلام کی مضبوطی کے لیے وحدت کی ضرورت ہے، ہم فرقہ ورانہ ہم آہنگی کے لییکام کریں گے، پاکستان کوامن کاگہوارہ بنائیں گے۔پی پی آئی کے مطابق جے یو آئی (ف)کے سربراہ کا کہنا تھا کہ بین الاقوامی قوتیں پاکستان کیخلاف سازشیں کررہی ہیں، جمہوریت اور آئین کو کمزور کیا جارہا ہے تاکہ ملک کمزورہو۔سربراہ پی ڈی ایم نے کہا کہ 3 سال میں پاکستان کومشکلات میں دھکیلا گیا، ریاست مدینہ کے نام پر عوام سے دھوکا کیا گیا، پاکستان کو آئی ایم ایف کے حوالے کیا گیا، پاکستان کاروپیہ ڈالر کے مقابلے قدر کھو بیٹھا ہے، آج ہم دوست ممالک کا اعتمادبحال کرنیکی کوشش کررہے ہیں۔