کراچی(پی پی آ ئی) ڈاکٹر سید سیف الرحمان نے ایڈمنسٹریٹر کراچی کا چارج سنبھال، کے ایم سی بلڈنگ پہنچنے پر افسروں نے ان کا استقبال کیا۔ڈاکٹر سید سیف الرحمان نے عہدہ سنبھالنے کے بعد مختلف محکمہ جاتی سربراہان سے ملاقات کی، اس موقع پر گفتگو کرتے ہوئے انہوں نے کہا کہ کے ایم سی کے زیر انتظام سڑکوں کی بحالی میری پہلی ترجیح ہے، کراچی میں پارکوں کی حالت بہتر بنائیں گے، گرین بیلٹ درست کریں گے۔ایڈمنسٹریٹر کراچی کا کہنا تھا کہ فٹ پاتھ سے فوری طور پر تجاوزات کا خاتمہ کیا جائے، ہسپتالوں کی بہتری کیلئے بھی اقدامات کئے جائیں گے، انہوں نے کہا کہ سابق ایڈمنسٹریٹر مرتضیٰ وہاب نے شہر کی بہترین خدمت کی، ان کے تعمیراتی کاموں کے تسلسل کو برقرار رکھا جائے گا۔
Next Post
ڈیلی میل کی معافی اعتراف ہے کہ اس جھوٹ کا ماسٹر مائنڈ عمران ہے:راناثنااللہ
Fri Dec 9 , 2022
اسلام آ باد (پی پی آ ئی)وفاقی وزیر داخلہ راناثنااللہ نے کہا ہے کہ ڈیلی میل کی معافی اعتراف ہے کہ اس جھوٹ کا ماسٹر مائنڈ عمران ہے۔ سماجی رابطے کی ویب سائٹ پر اپنے پیغام میں وزیر داخلہ راناثنااللہ نے عمران خان کو مخاطب کرتے ہو ئے کہا ہے کہ فراڈیا جھوٹی خبریں شہبازشریف کے خلاف شائع کراتا رہا […]