یہ نہ ہو عثمان بزدار کو باہر نکلتے ہی گرفتار کرلیں، جج کا نیب تفتیشی افسر سے مکالمہ

لاہور(پی پی آئی)احتساب عدالت نے اثاثہ جات کیس میں عثمان بزدار کی درخواست واپس لینے کی بنیاد پر نمٹا دی۔ذرا ئع کے مطابق احتساب عدالت میں سابق وزیراعلیٰ عثمان بزدار کیخلاف اثاثہ جات کیس کی سماعت ہوئی، نیب کے تفتیشی افسر نے کہاکہ عثمان بزدار کی گرفتاری مطلوب نہیں اور ناں ہی آج تک وارنٹ گرفتاری جاری ہوئے، تفتیشی افسر کے بیان پر عثمان بزدار نے عبوری ضمانت کی درخواست واپس لے لی،جج نے نیب تفتیشی سے مکالمہ کرتے ہوئے کہاکہ یہ نہ ہو عثمان بزدار کو باہر نکلتے ہی گرفتار کرلیں، جج احتساب عدالت نے کہاکہ گرفتاری سے پہلے عثمان بزدار کو اطلاع دی جائے۔