بلوچستان میں مالی بحران،ملازمین کی تنخواہوں کی ادائیگی نہ ہونے کا خدشہ

کوئٹہ (پی پی آئی)بلوچستان میں مالی بحران کے باعث ملازمین کی تنخواہوں کی ادائیگی نہ ہونے کا خدشہ پیدا ہو گیا۔پی پی آئی کے مطابق بلوچستان کو رواں سال این ایف سی ایوارڈ میں 30 ارب کم ملنے پر بحران شدت اختیار کر گیا،ذرائع کاکہناہے کہ وفاق نے صوبے کے محصولات بہتر نہ کئے تو تنخواہیں نہیں دی جاسکیں گی۔ذرائع کا مزید کہناتھا کہ بلوچستان کو وفاق کی جانب سے 5 ماہ کے دوران 131 ارب ملنا تھے،ابتک صوبے کو وفاق سے 101 ارب روپے ملے ہیں۔