کراچی (پی پی آئی)ایشیائی ترقیاتی بینک نے اپنی رپورٹ میں پاکستان کو جنوبی ایشیا کا دوسرا مہنگا ترین ملک قرار دے دیا۔تفصیلات کے مطابق ایشیائی ترقیاتی بینک نے سال 2022 کا آؤٹ لک جاری کردیا، جس میں بتایا ہے کہ جنوبی ایشیا میں پاکستان دوسرا مہنگا ترین ملک ہے۔،پی پی آئی کے مطابق ایشیائی ترقیاتی بینک کی رپورٹ میں کہا گیا ہے کہ سری لنکا میں مہنگائی کے بڑھنے کی شرح 70.6 فیصد اور پاکستان میں مہنگائی کے بڑھنیکی شرح 26.6 فیصد ہے۔، رپورٹ میں کہا کہ بنگلادیش میں مہنگائی کے بڑھنے کی شرح 8.9 فیصد اور بھارت میں مہنگائی کے بڑھنے کی شرح 6.8 فیصد ہے۔ایشیائی ترقیاتی بینک کا کہنا تھا کہ پاکستان میں سیلاب سے زراعت،لائیو اسٹاک کو بڑا نقصان پہنچا، سیلاب سے گندم کی بوئی متاثر ہو رہی ہے، سیلاب سے پاکستان میں مہنگائی میں اضافہ ہوا ہیاے ڈی بی نے پیش گوئی کی کہ پاکستانی روپے کی قدر میں مزید گراوٹ ہوسکتی ہے اور پاکستان میں توانائی مزید مہنگی ہونے کا خدشہ ہے۔رپورٹ کے مطابق جنوبی ایشیا میں معاشی ترقی کی شرح سیلاب کی وجہ سے کم ہوگئی، پاکستان اور بنگلادیش کے سیلابوں نے معاشی ترقی کو متاثر کیا، جنوبی ایشیا میں معاشی ترقی کی شرح 6.5 کے بجائے6.3فیصدرہے گی، سیلاب نے پاکستان کی معیشت کو پے در پے نقصان پہنچایا ہے
Next Post
پی ڈی ایم کی جماعتیں اگلا الیکشن ایک ہی نشان پر لڑیں کیونکہ عوام بھی انہیں ایک ہی سمجھتے ہیں:عمر سرفراز چیمہ
Thu Dec 15 , 2022
لاہور(پی پی آئی)مشیر داخلہ اور اطلاعات حکومت پنجاب عمر سرفراز چیمہ نے پی ڈی ایم میں شامل جماعتوں کو مشورہ دیا ہے کہ پی ڈی ایم میں شامل جماعتیں اگلا الیکشن ایک ہی نشان پر لڑلیں کیونکہ عوام بھی انہیں ایک ہی سمجھتے ہیں۔پی پی آئی کے مطابق عمر چیمہ نے مزید کہا کہ ملکی سیاست فیصلہ کن مرحلے میں […]