دہشتگردی سے نمٹنے کیلئے پاکستان کی مدد کو تیار ہیں: امریکی محکمہ خارجہ

واشنگٹن (پی پی آ ئی) امریکی ترجمان محکہ خارجہ نے کہا ہے کہ دہشت گردی سے نمٹنے کے لئے پاکستان کی ہر ممکن مدد کو تیار ہیں۔میڈیا ذرا ئع کے مطابقامریکی ترجمان محکمہ خارجہ نیڈ پرائس نے پریس بریفنگ کے دوران کہا کہ امریکا دہشت گردی سے نمٹنے کے لئے پاکستان کی ہر ممکن مدد کو تیار ہے اور مشترکہ چیلنجز سے نمٹنے کے لئے پاکستان امریکا کا پارٹنر ہے۔پاکستان اور بھارت کے ساتھ کثیر الجہتی تعلقات ہیں، اپنے شراکت داروں کے درمیان تناؤ کم کرنا چاہتے ہیں اور دونوں ممالک کے درمیان تعلقات کو قدر کی نگاہ سے دیکھتے ہیں۔ترجمان محکمہ خارجہ نے مزید کہا کہ کشمیر پر دونوں ملکوں کو مل کر بات چیت کرنا ہوگی،ہمیں کہا گیا تو مسئلہ کشمیر پر کردار ادا کرنے کو تیار ہیں۔