مصطفی ٹاؤن لاہورمیں گھر کے واش روم سے نو بیاہتا میاں بیوی کی لاشیں برآمد

لاہو(پی پی آئی)لاہور کے علاقے مصطفی ٹاؤن کے گھر سے نو بیاہتا میاں بیوی کی لاشیں ملی ہیں۔تفصیلات کے مطابق مصطفی ٹاؤن میں شارق اور حمنہ کی گزشتہ روز ہی شادی ہوئی تھی اور آج صبح جب وہ کافی دیر تک کمرے سے باہر نہیں آئے تو دروازہ کھٹکٹایا گیا لیکن دروازہ نہیں کھلا تو گھر والوں نے پریشان ہو کر پولیس کو اطلاع کی، پی پی آئی کے مطابق پولیس موقع پر پہنچی تو دروازے کا لاک توڑا گیا، اند ر داخل ہو کر دیکھا کہ میاں بیوی کی لاشیں واش روم میں پڑی ہیں، ابتدائی تحقیقات میں یہ بات سامنے آئی ہے کہ ممکنہ طور پر کمرے کے واش روم میں لگے گیزر سے گیس لیکج ہوتی رہی اور دم گھٹنے سے میاں بیوی کی موت واقع ہوئی۔