سری نگر(پی پی آئی)بھارت کے زیر قبضہ جموں و کشمیر میں قابض بھارتی فوجیوں نے ضلع راجوری میں تفتیش بہانے 50سے زائد بے گناہ کشمیری نوجوانوں کو گرفتار کر لیاہے۔ کشمیر میڈیا کے مطابق یہ گرفتاریاں بھارتی فوج، پولیس اور سینٹرل ریزرو پولیس فورس کے اہلکاروں کی طرف سے راجوری کے دو درجن سے زائد دیہات میں جاری تلاشی اور محاصرے کی مشترکہ کارروائیوں کے دوران کی گئی ہیں۔ ضلع کے اہم مقامات پر بھارتی پولیس کی خصوصی آپریشنل ٹیمیں بھی تعینات کی گئی ہیں۔سینئر سپرنٹنڈنٹ آف پولیس راجوری نے کہا کہ پولیس کے ساتھ سی آر پی ایف کے اضافی اہلکاروں کو حساس علاقوں میں تعینات کیا گیا ہے۔ ایس ایس پی نے کہا کہ یہ گرفتاریاں ضلع راجوری کے گاؤں دھانگری میں حالیہ حملوں کے بعد کی گئی ہیں۔سرکاری حکام کے مطابق پولیس اور پیراملٹری فورسز کے اہلکاروں کی اضافی نفری سرحدی چوکیوں پر بھی تعینات کی گئی ہے جوکہ کنٹرول لائن کے ساتھ سیکورٹی بڑھانے کا حصہ ہے۔
Next Post
پرویز الٰہی کو اعتماد کاووٹ لیناہوگا یا گھر جاناہوگا تیسرا کوئی راستہ نہیں ہے: پی ڈی ایم
Tue Jan 10 , 2023
اسلام آ باد(پی پی آ ئی) پی ڈی ایم کے ترجمان حا فظ حمداللہ نے کہا ہے کہ پرویزالٰہی کو اعتماد کاووٹ لیناہوگا یا گھر جاناہوگا تیسرا کوئی راستہ نہیں ہے۔ سماجی رابطے کی ویب سائٹ ٹو ئٹر پر اپنے بیان میں جے یو آئی رہنما حا فظ حمداللہ نے اعلیٰ عدالیہ سے مطا لبہ کرتے ہو ئے کہا کہ […]