صدر مملکت کا نیپال طیارہ حادثے میں جانی نقصان پر اظہار افسوس

اسلام آباد (پی پی آئی) صدر مملکت ڈاکٹر عارف علوی نے نیپال کے شہر پوکھاڑامیں فضائی حادثے میں قیمتی جانوں کے ضیاع پر گہرے دکھ کا اظہار کیا ہے۔پی پی آئی کے مطابق صدر مملکت نے اپنے ایک بیان میں المناک واقعے میں جاں بحق افراد کے لواحقین کے لئے صبر جمیل کی دعا کی اور کہا کہ اللہ تعالیٰ لواحقین کو صبر اور استقامت کے ساتھ یہ صدمہ برداشت کرنے کی ہمت عطا فرمائے،صدر مملکت کا مزید کہنا تھا کہ گہرے غم کے اس لمحے میں، ہمارے خیالات اور دعائیں متاثرہ خاندانوں اور نیپال کے غمزدہ لوگوں کے ساتھ ہیں۔