الیکشن کمیشن دھاندلی میں براہ راست ملوث ہے، علی زیدی بلاول کرپٹ، کرپشن میں ملوث، پیپلز پارٹی گڑھی خدا بخش میں دفن ہو گئی

کراچی (پی پی آئی)پاکستان تحریک انصاف کے رہنما علی زیدی نے الیکشن کمیشن پر الزام لگاتے ہوئے کہا ہے کہ الیکشن کمیشن دھاندلی میں براہ راست ملوث ہے۔کراچی میں پریس کانفرنس کرتے ہوئے علی زیدی نے کہا کہ اگر مجھ پر توہین الیکشن کمیشن لگاتے ہو تو بسم اللّٰہ کرو، دھاندلی کے باوجود تحریک انصاف بہت سی نشستوں پر کامیاب ہوئی۔پی پی آئی کے مطابق علی زیدی کا کہنا ہے کہ بلاول تم بھی کرپٹ ہو، تم کرپشن میں ملوث ہو، پیپلز پارٹی گڑھی خدا بخش میں دفن ہو گئی، یہ زرداری مافیا ہے۔انہوں نے کہا کہ پولیٹیکل انجینئرنگ کر کے پیپلز پارٹی کو جتوانے کی کوشش کی جا رہی ہے، چیئرمین تحریک انصاف کہتے ہیں الیکشن کمیشن پی ڈی ایم کی جماعت ہے۔پی ٹی آئی رہنما کا کہنا تھا کہ یہاں بدمعاشوں کا ٹولہ حکومت کر رہا ہے،، ہم سادہ الفاظ میں شفاف الیکشن مانگ رہے ہیں، کیا پاکستانی ہونے کے ناطے ہمارا حق نہیں ہے کہ ہمیں فیئر الیکشن ملیں۔