لاہور میں ڈبل روٹی 200 روپے کی، دودھ اور دہی بھی مہنگا

لاہور(پی پی آئی)لاہور میں ڈبل روٹی 200 روپے کی ہو گئی ہے۔مارکیٹ ذرائع کہنا ہے کہ ڈبل روٹی، دودھ اور دہی کی قیمتوں میں اضافہ کر دیا گیا ہے۔ذرائع کے مطابق بڑی ڈبل روٹی 20 روپے کے اضافے سے 200 روپے جبکہ چھوٹی ڈبل روٹی کی قیمت 90 سے بڑھ کر 130 روپے ہوگئی ہے۔پی پی آئی کے مطابق مارکیٹ ذرائع کہنا ہے کہ قیمت بڑھانے کے باوجود بیکری مالکان نے ڈبل روٹی کا سائز بھی کم کردیا۔دوسری جانب دودھ بھی 10 روپے کلو اضافے کیساتھ 160 روپے کلو ہوگیا جس کے بعد دہی 10روپے کلو اضافے کیساتھ 180 روپے کلو ہوگیا۔