اسلام آ باد(پی پی آ ئی)الیکشن کمیشن نے توہین الیکشن کمیشن کیس میں پی ٹی آئی چیئرمین عمران خان سمیت پی ٹی آئی رہنماؤں اسد عمر اور فواد چوہدری کو پیشی کے لئے آخری موقع دیتے ہوئے ریمارکس دیے کہ کرمنل کیس میں فریقین کا خود پیش ہونا ضروری ہوتا ہے، آئندہ سماعت پرعدم پیشی کی صورت میں یکطرفہ کارروائی کرکے فیصلہ سنا دیں گے۔تفصیلات کے مطابق ممبر سندھ نثار درانی کی زیر صدارت 4رکنی کمیشن نے سابق وزیراعظم عمران خان، پی ٹی آئی رہنما اسدعمراور فواد چوہدری کے خلاف توہین الیکشن کمیشن کیس کی سماعت کی۔عمران خان، اسد عمر اور فواد چوہدری پیش نہ ہوئے جبکہ پی ٹی آئی چیئرمین کی جانب سے معاون وکیل الیکشن کمیشن میں پیش ہوئے۔ممبر اکرام اللہ خان نے کہا کہ ہائیکورٹ نے عمران خان سمیت دیگرکوپیش ہونے سے نہیں روکا، خود پیش نہیں ہوتے تو وکلاکے وکالت نامے واپس کردیں گے، کرمنل کیس میں فریقین کا خود پیش ہونا ضروری ہوتا ہے۔الیکشن کمیشن نے عمران خان، اسد عمر اور فواد چوہدری کو پیش ہونے کا آخری موقع دے دیا۔ممبر سندھ نثار درانی نے کہا کہ آئندہ سماعت پرعدم پیشی کی صورت میں یکطرفہ کارروائی کرکے فیصلہ سنا دیں گے۔بعدازاں الیکشن کمیشن نے کیس کی مزید سماعت 24 جنوری تک ملتوی کردی۔
Next Post
ملک معاشی طورپردیوالیہ پرپہنچ چکاہے: شیخ رشید شہبازشریف پرعدم اعتماد بھی آسکتا ہے اپریل تک الیکشن شیڈول بھی
Tue Jan 17 , 2023
را ولپنڈی(پی پی آئی)عوامی مسلم لیگ کے سر براہ شیخ رشید نے کہا ہے کہ ملک معاشی طورپردیوالیہ پرپہنچ چکاہے حکمرانوں کواپنی عیاشیوں سے فرصت نہیں ہے،چندہفتوں میں سیاست میں ہمہ گیر تبدیلیاں آسکتی ہیں،13سیاسی جماعتوں کابھان متی کاکنبہ اپنی سیاسی موت مررہا ہے،اور یہ پاکستان کوبھی اپنی لپیٹ میں لے رہاہے،غریب کی فاقہ کشی حکمرانوں کی موج مستی ملک […]