بیرونی سرمایہ کاری آدھی رہ گئی،فوری الیکشن واحد حل، اس ٹولے کو مزیدموقع نہیں دینگے
لاہور(پی پی آئی)ترجمان پنجاب حکومت مسرت چیمہ کا دعویٰ ہے کہ اس وقت پاکستان کے پاس صرف 4 ارب ڈالر موجود ہیں۔پی پی آئی کے مطابق سماجی رابطے کی ویب سائٹ ٹوئٹر پر ترجمان پنجاب حکومت مسرت چیمہ نے لکھا کہ پاکستان نے اگلے 2 سال میں 73 ارب ڈالر کی ادائیگیاں کرنی ہیں، جبکہ اس وقت پاکستان کے پاس صرف 4 ارب ڈالر موجود ہیں۔مسرت چیمہ نے کہا کہ پاکستان کا پیداواری سیکٹر مسلسل تباہ ہورہا ہے، پاکستان میں بیرونی سرمایہ کاری بھی آدھی رہ گئی ہے۔ترجمان پنجاب حکومت نے ٹوئٹ میں مزید لکھا کہ کرپٹ ٹولہ کرپشن معاف کرانے، ہمنواؤں کو نوازنے میں مصروف ہے، فوری الیکشن واحد حل ہے اور عوام اس ٹولیکو مزیدموقع نہیں دینگے۔