فاروق ستاربھائی یہ ضامن کون تھے؟:اسد عمر کا معصومانہ سوال

کراچی (پی پی آئی)پاکستان تحریک انصاف کے سنیئر رہنما اسد عمر نے متحدہ قومی موومنٹ (ایم کیو ایم) پاکستان کے سینئر رہنما فاروق ستار سے معصومانہ سوال پوچھ لیا۔پی پی آئی کے مطابق سماجی رابطے کی ویب سائٹ ٹوئٹر پر اسد عمر نے فاروق ستار سے پوچھا کہ فاروق بھائی ایک میرا بھی معصومانہ سوال ہے کہ یہ ضامن کون تھے؟واضح رہے کہ گزشتہ روز پی آئی بی کالونی کراچی میں ایم کیو ایم کے جنرل ورکرز اجلاس سے خطاب کرتے ہوئے فاروق ستار نے کہا تھا کہ بلدیاتی الیکشن بھائی کو بھائی سے لڑانے کی سازش ہے۔انہوں نے کہا تھا کہ جاگیردار وڈیرے ایک طرف اور پاکستان بنانے والے ایک طرف ہیں۔فاروق ستار نے کہا تھا کہ الیکشن کمیشن اور پیپلز پارٹی کے گٹھ جوڑ سے یہ الیکشن ہوا ہے، تم نے ہماری میئر کی سیٹ لی ہم اکتوبر میں تمہاری وزیراعلیٰ کی سیٹ چھین لیں گے۔