”فروری سے ملک میں ادویات نہ ملنے کا خدشہ

فارماسوٹیکل مینوفیکچرز کی قائمہ کمیٹی سینیٹ کوبریفنگ
اسلام آباد (پی پی آئی)فارماسوٹیکل مینو فیکچرنگ ایسوسی ایشن نے خبردارکیا ہے کہ فروری میں ملک میں ادویات ملنا بند ہوجائیں گی کیونکہ ہماری برآمدات 35 فیصد گرچکی ہیں فارماسیوٹیکل کمپنیزکی ایل سیز100 فیصد بند کردی گئی ہیں پیشگی ادائیگوں کے باوجود بھی ایل سیزنہیں کھل رہیں۔سینیٹ قائمہ کی کمیٹی برائے خزانہ کے اجلاس میں فارماسوٹیکل مینوفیکچرنگ ایسوسی ایشن نے ایل سیز کلیئرنہ ہونے پرفارماسیوٹیکل انڈسٹری کو درپیش مسائل سے متعلق بریفنگ دی۔بریفنگ میں ایسوسی ایشن کا کہنا ہے کہ بے روزگاری کا ایک طوفان آنے والا ہے، فارماسیوٹیکل 6 ارب ڈالرکی صنعت ہے اور ہم 96 فیصد خام مال درآمد کرتے ہیں اور باقی بھی بھارت سے منگواتے ہیں۔سینیٹ قائمہ کی کمیٹی کو بریفنگ کے دوران ایسوسی ایشن نے بتایا کہ تمام بینک کہہ رہے ہیں کہ ڈالر نہیں ہیں، تو ایل سیزنہیں کھول سکتے اس کے ساتھ ہی وفاقی وزیر خزانہ اسحاق ڈارکوخط لکھا ہے مگر کوئی پیشرفت نہیں ہوئی۔