پی ایس ایل 8 کا شیڈول فائنل، اعلان آج متوقع

کراچی (پی پی آئی)پاکستان سپر لیگ (پی ایس ایل)کے آٹھویں ایڈیشن کا شیڈول فائنل کر لیا گیا ہے، جس کا اعلان جمعہ کومتوقع ہے۔پی پی آئی کے مطابق پاکستان کرکٹ بورڈ (پی سی بی) پی ایس ایل فرنچائزز کے ساتھ شیڈول کے حوالے سے جمعہ کو حتمی مشاورت کرے گا۔ملتان میں افتتاحی تقریب کے ساتھ ایونٹ کا آغاز 13فروری سے ہوگا، پہلے میچ میں قلندرز اور سلطانز ٹکرائیں گے، میچز کراچی، لاہور، ملتان اور راولپنڈی میں کھیلے جائیں گے جبکہ فائنل 19مارچ کو لاہور میں کھیلا جائے گا۔دوسری جانب کوئٹہ میں کوئٹہ گلیڈی ایٹرز اورپشاور زلمی کیدرمیان نمائشی میچ کا پلان بھی زیرغورہے۔