قرآن پاک کی بے حرمتی سے ڈیڑھ ارب مسلمانوں کے مذہبی جذبات کو ٹھیس پہنچی: پاکستان
اسلام آ باد(پی پی آ ئی)پاکستان نے سویڈن میں قرآن پاک کی بے حرمتی کے گھناؤنے فعل کی شدید مذمت کی ہے۔ترجمان دفترخارجہ نے جاری بیان میں کہا کہ قرآن پاک کی بے حرمتی سے ڈیڑھ ارب مسلمانوں کے مذہبی جذبات کو ٹھیس پہنچی ہے، جواظہار رائے کی آزادی کے ضمن میں نہیں آتا۔ترجمان دفترخارجہ نے کہا کہ اس طرح کا عمل آزادی اظہاررائے کے تحت کسی صورت بھی جائر نہیں ہے، بین الاقوامی انسانی حقوق علمبرداراپنا کردار ادا کریں۔ترجمان دفترخارجہ کے مطابق اسلام امن کا مذہب ہے اور پاکستان سمیت دنیا بھر کے مسلمان تمام مذاہب کے احترام پر یقین رکھتے ہیں۔