چالیس سے زائد حلقے ایسے ہیں جہاں ہمارا مینڈیٹ چرایا گیا: علی زیدی

کراچی (پی پی آئی) پی ٹی آئی رہنما علی زیدی کاکہناہے کہ 40 سے زائد حلقے ایسے ہیں جہاں ہمارا مینڈیٹ چرایا گیا،الیکشن کمیشن کو پارٹی کی جانب سے خط لکھا ہے،خط کے ذریعے آگاہ کیا کہ کیسے ہمارا مینڈیٹ چرایا گیا۔جماعت اسلامی اور پی ٹی آئی کے 2،2 ارکان پر مشتمل کمیٹی بنائی ہے، ایک ہفتے میں کمیٹی تمام چیزیں اکٹھی کرکے لے آئے گی۔پی پی آئی کے مطابق ان کاکہناتھا کہ آپس میں بیٹھنے کا مقصد ملک کی بہتری ہونا چاہئے،آج ملاقات میں مشترکہ ردعمل پر اتفاق ہوا ہے،فارم 11 کے حساب سے الیکشن کا نتیجہ آنا چاہئے،زرداری مافیا نے کراچی میں ایسا کچھ نہیں کہا کہ لوگ انہیں ووٹ دیں۔