تجارت، ٹیکنالوجی، زراعت اور تعلیم کے شعبوں میں تعاون بڑھانے پر اتفاق
دوحہ(پی پی آ ئی) وزیرخزانہ اسحاق ڈارکی قطری ہم منصب علی بن احمد الکواری سے قطرمیں ملاقات ہوئی ہے، جس میں دونوں رہنماؤں نے تجارت، ٹیکنالوجی، زراعت اور تعلیم کے شعبوں میں تعاون بڑھانے پراتفاق کیا ہے۔ذرا ئع کے مطابق قطرمیں اسحاق ڈارنے قطری وزیرخزانہ علی بن احمد الکواری سے ملاقات کی ہے،ملاقات میں باہمی دلچسپی کے امورپرتبادلہ خیال کیا گیا۔وزیرخزانہ نے فیفا ورلڈ کپ کے کامیاب انعقاد پر قطری وزیر خزانہ کو مبارکباد دی ہے۔اس موقع پراسحاق ڈارنے کہاکہ دونوں ممالک کے درمیان تاریخی اور مضبوط تعلقات ہیں۔دونوں رہنماؤں نے تجارت،ٹیکنالوجی،زراعت اورتعلیم کے شعبوں میں تعاون بڑھانے پراتفاق کیا ہے۔وزیرخزانہ اسحاق ڈارنے علی بن احمد الکواری کودورہ پاکستان کی بھی دعوت دی۔ملاقات میں معاون خصوصی وزیراعظم جہانزیب خان اورپاکستان کے قطرمیں موجود سفیر نے بھی شرکت کی ہے۔