سری نگر (پی پی آئی)مقبوضہ جموں و کشمیرہائی کورٹ بارایسوسی ایشن کے جنرل سیکریٹری محمد اشرف بٹ کے جوان سال بیٹے ایڈووکیٹ باسط اشرف بٹ انتقال کر گئے ان کی نماز جنازہ منگل کو راول پو رہ سرینگر میں ادا کی گئی،۔مرحوم کی عمر 25سال تھی، انہیں آبائی قبرستان چھتہ بل سرینگر میں سپرد خاک کیا گیا۔ باسط اشرف کی نماز جنازہ میں بارایسوسی ایشن کے عہدیداروں کے علاوہ مختلف سیاسی،سماجی اور مذہبی رہنماؤں سمیت وکلاکی بڑی تعداد نے شرکت کی۔ بارایسوسی ایشن کے عہدیداروں اور سینئر وکلا بشمول نذیر احمد رونگا، بشیر احمد صدیقی، محمد شفیع ریشی، غلام نبی شاہین، محمد عبداللہ پنڈت اورمفتی معراج الدین کے علاوہ جموں وکشمیر لبریشن فرنٹ کے رہنماؤں محمد یاسین بٹ اور مشتاق اجمل نے بھی نماز جنازہ میں شرکت کی۔ اس موقع پر بار ا یسوسی ایشن سے وابستہ عدالتوں میں پیش نہیں ہوئے۔ادھرجموں وکشمیر بار ایسوسی ایشن کے ارکان، کشمیرمیڈیاسروس کے سٹاف اورکل جماعتی حریت کانفرنس آزاد کشمیر شاخ کے رہنماؤں نے بار کے سیکریٹری جنرل اشرف بٹ سے ان کے بیٹے کے انتقال پر گہرے دکھ اور افسوس کا اظہار کرتے ہوئے مرحوم کی بلندی درجات کیلئے دعا کی ہے۔
Next Post
ڈیمریج سمیت تمام ڈیوٹیز کی معافی خوش آئند، شرح سود میں اضافہ تباہ کن ہے، کاٹی
Tue Jan 24 , 2023
جرمانوں کی مَد میں لاکھوں ڈالر بچیں گے، اسٹیٹ بینک کے اقدام سے تالہ بندی ہوگی، فراز الرحمان کراچی (پی پی آئی) کورنگی ایسو سی ایشن آف ٹریڈ اینڈ انڈسٹری (کاٹی) کے صدر فراز الرحمان نے وفاقی وزیر برائے بحری امور فیصل سبزواری اور وزیر برائے تجارت نوید قمر کی جانب سے پورٹس پر پھنسے مال پر ڈیمریج جرمانے معاف […]